തിരുവനന്തപുരത്തും കൊല്ലത്തും കനത്ത തിരിച്ചടി ; പരാജയ കാരണം വിലയിരുത്താന് എല്ഡിഎഫ് നേതൃയോഗം ചൊവ്വാഴ്ച
കാല്നൂറ്റാണ്ട് ഇടതു കോട്ടയായി ഉറച്ചു നിന്ന കൊല്ലം കോര്പ്പറേഷന് കൈവിട്ടുപോയത് എല്ഡിഎഫിനെ പ്രതിരോധത്തിലാക്കിയിട്ടുണ്ട്.
മുന്നണിയുടെ പ്രതീക്ഷകളെ അസ്ഥാനത്താക്കിയ കനത്ത തിരിച്ചടി മറികടക്കാനുള്ള തിരുത്തല് വേണമെന്ന ആവശ്യം സിപിഐ ഉന്നയിച്ചു കഴിഞ്ഞു.
തിരുവനന്തപുരത്തും കൊല്ലത്തും അടക്കം പാര്ട്ടിയെ ഞെട്ടിച്ച കനത്ത പരാജയത്തിന്റെ കാരണങ്ങള് കണ്ടെത്താന് എല്ഡിഎഫ് നേതൃയോഗം ചൊവ്വാഴ്ച ചേരും. നേതൃയോഗത്തില് തെരഞ്ഞെടുപ്പ് ഫലം വിലയിരുത്തും. മുന്നണിയുടെ പ്രതീക്ഷകളെ അസ്ഥാനത്താക്കിയ കനത്ത തിരിച്ചടി മറികടക്കാനുള്ള തിരുത്തല് വേണമെന്ന ആവശ്യം സിപിഐ ഉന്നയിച്ചു കഴിഞ്ഞു.
ജോസ് കെ.മാണിയുടെ തീരുമാനങ്ങളും യോഗത്തില് നിര്ണായകം. തെരഞ്ഞെടുപ്പ് ഫലം വിലയിരുത്താന് സിപിഎമ്മിന്റെയും സിപിഐയുടെയും നേതൃയോഗങ്ങള് നാളെ ചേരുന്നുണ്ട്. സിപിഎം സംസ്ഥാന സെക്രട്ടേറിയറ്റും സിപിഐയുടെ സംസ്ഥാന സെക്രട്ടേറിയറ്റ് സംസ്ഥാന എക്സിക്യൂട്ടീവ് യോഗങ്ങളുമാണ് ചേരുന്നത്. കൊല്ലത്ത് തദ്ദേശ തെരഞ്ഞെടുപ്പിലുണ്ടായ കനത്ത തോല്വി ഗൗരവത്തോടെ പരിശോധിക്കാന് ഒരുങ്ങുകയാണ് എല്ഡിഎഫ്. കാല്നൂറ്റാണ്ട് ഇടതു കോട്ടയായി ഉറച്ചു നിന്ന കൊല്ലം കോര്പ്പറേഷന് കൈവിട്ടുപോയത് എല്ഡിഎഫിനെ പ്രതിരോധത്തിലാക്കിയിട്ടുണ്ട്.