തിരുവനന്തപുരം: കേരളത്തില്‍ വരുന്ന മൂന്ന് മണിക്കൂറിനുള്ളില്‍ വിവിധ ജില്ലകളില്‍ മഴ ശക്തമാകാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് ഔദ്യോഗികമായി മുന്നറിയിപ്പ് നല്‍കിയിട്ടുണ്ട്.കാലാവസ്ഥയിലെ ഈ പെട്ടെന്നുള്ള വ്യതിയാനത്തിന്റെ പശ്ചാത്തലത്തില്‍ ദക്ഷിണ കേരളത്തിലെ പ്രധാനപ്പെട്ട പല ജില്ലകളിലും ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്.

കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം എന്നീ അഞ്ച് ജില്ലകളിലാണ് പ്രധാനമായും മഴ മുന്നറിയിപ്പ് ഉള്ളത്. ഈ ജില്ലകളില്‍ ഒറ്റപ്പെട്ടയിടങ്ങളില്‍ ഇടത്തരം രീതിയിലുള്ള മഴയ്ക്കാണ് സാധ്യതയെന്ന് കേന്ദ്ര കാലാവസ്ഥാ വകുപ്പ് വ്യക്തമാക്കുന്നു. മഴയോടൊപ്പം തന്നെ മണിക്കൂറില്‍ ഏകദേശം 30 കിലോമീറ്റർ വരെ വേഗതയില്‍ ശക്തമായ കാറ്റ് വീശിയേക്കാനും സാധ്യതയുണ്ട്.