കെഎസ്ആര്ടിസി ബസുകളിലെ സ്ത്രീകളുടെ സൗജന്യ യാത്ര ; ഇന്നത്തെ മന്ത്രിസഭായോഗം ചര്ച്ച ചെയ്യും
പ്രായ-വരുമാന പരിധിയില്ലാതെ സൗജന്യ യാത്രയാണ് പരിഗണിക്കുന്നത്.
കെഎസ്ആര്ടിസിയില് വനിതകള്ക്കുള്ള സൗജന്യ യാത്ര ജൂണ് 15 മുതല് നടപ്പാക്കുമെന്നാണ് പ്രഖ്യാപനം.
കെഎസ്ആര്ടിസി ബസ്സുകളില് സ്ത്രീകള്ക്ക് ഏര്പ്പെടുത്തുന്ന സൗജന്യയാത്ര എങ്ങിനെ നടപ്പാക്കുമെന്നതില് ഇന്നത്തെ മന്ത്രിസഭാ യോഗം ചര്ച്ച ചെയ്യും. പ്രായ-വരുമാന പരിധിയില്ലാതെ സൗജന്യ യാത്രയാണ് പരിഗണിക്കുന്നത്. ആലോചനയില്ലാതെ ഐഎഎസ് ഉദ്യോഗസ്ഥരെ സ്ഥലം മാറ്റിയതില് മന്ത്രിമാര്ക്കുള്ള അതൃപ്തി കാബിനറ്റില് ചര്ച്ചയാകും. ചീഫ് സെക്രട്ടറിയുടെ നടപടിയില് മന്ത്രിമാര് യോഗത്തില് അതൃപ്തി അറിയിക്കാന് സാധ്യതയുണ്ട്.
കെഎസ്ആര്ടിസിയില് വനിതകള്ക്കുള്ള സൗജന്യ യാത്ര ജൂണ് 15 മുതല് നടപ്പാക്കുമെന്നാണ് പ്രഖ്യാപനം.
സൗജന്യം ഓര്ഡിനറിയിലും സൂപ്പര് ഫാസ്റ്റിലുമാക്കുക, കര്ണ്ണാടക മോഡലില് വനിതകള്ക്ക് കാര്ഡ് കൊണ്ടുവരിക തുടങ്ങി പലതരം നിര്ദ്ദേശങ്ങളാണ് മുന്നോട്ട് വെക്കുന്നത്. പ്രായപരിധിയും വരുമാനപരിധിയും വേണ്ടെന്നാണ് ഇതുവരെയുള്ള ധാരണ. അതേസമയം, സൗജന്യയാത്ര പദ്ധതിയുടെ ഉദ്ഘാടനം പ്രമുഖ വനിതാതാരങ്ങളെ അടക്കം പങ്കെടുപ്പിച്ച് നടത്താനും ആലോചനയുണ്ട്.