തൊണ്ടിമുതല് തിരിമറി കേസ്; മുന്മന്ത്രി ആന്റണി രാജുവിന്റെ ശിക്ഷ മരവിപ്പിച്ചു
തിരുവനന്തപുരം സെഷന്സ് കോടതിയാണ് ശിക്ഷ താല്ക്കാലിമായി മരവിപ്പിച്ചത്.
ആന്റണി രാജുവിന്റെ അപ്പീല് ഫയലില് സ്വീകരിച്ചാണ് നടപടി.
തിരുവനന്തപുരം: തൊണ്ടിമുതല് തിരിമറി നടത്തിയ കേസില് മുന്മന്ത്രി ആന്റണി രാജുവിന്റെ ശിക്ഷ മരവിപ്പിച്ചു. തിരുവനന്തപുരം സെഷന്സ് കോടതിയാണ് ശിക്ഷ താല്ക്കാലിമായി മരവിപ്പിച്ചത്. മൂന്നു വര്ഷം തടവും പതിനായിരം രൂപ പിഴയുമായിരുന്നു ശിക്ഷ. ഈ ശിക്ഷാവിധിക്കെതിരെ ആന്റണി രാജു നൽകിയിരുന്നു. അപ്പീല് ഫയലില് സ്വീകരിച്ചാണ് കോടതി നടപടി. കേസില് ആന്റണി രാജു കുറ്റക്കാരനാണെന്ന കീഴ്ക്കോടതി വിധി നിലനില്ക്കുമെന്ന് സെഷന്സ് കോടതി വ്യക്തമാക്കി. നിയമസഭ സാമാജിക പദവിയില് നിന്നും അയോഗ്യനാക്കിയ നടപടിയും തുടരുമെന്ന് സെഷന്സ് കോടതി അറിയിച്ചു.
കേസില് വിശദമായ വാദം കേള്ക്കുന്നതുമായി ബന്ധപ്പെട്ട് ഫെബ്രുവരി 6 ന് തീരുമാനമെടുക്കും.തൊണ്ടിമുതലില് കൃത്രിമം കാണിച്ച് മയക്കുമരുന്ന് കേസിലെ പ്രതിയെ രക്ഷപ്പെടാന് സഹായിച്ചു എന്ന കേസിലാണ് മുന് മന്ത്രിയും ഇടതു എംഎല്എയുമായിരുന്ന ആന്റണി രാജുവിനെ നെടുമങ്ങാട് മജിസ്ട്രേറ്റ് കോടതി ശിക്ഷിച്ചത്.