നവ കേരളയാത്രയിലെ 'രക്ഷാപ്രവര്ത്തനം'; മുന് മുഖ്യമന്ത്രിയുടെ ഗണ്മാന്മാര്ക്ക് മുന്കൂര് ജാമ്യം
നവകേരളയാത്രയിൽ ബസിന് നേരെ പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ മര്ദിച്ച കേസില് പ്രതികളായ മുന്മുഖ്യമന്ത്രിയുടെ ഗണ്മാന്മാര്ക്ക് മുന്കൂര് ജാമ്യം. ആലപ്പുഴ സെഷന്സ് കോടതിയാണ് ജാമ്യം അനുവദിച്ചത്. ജാമ്യഹര്ജിയില് വാദം നേരത്തെ പൂര്ത്തിയായിരുന്നു.
Jun 9, 2026, 17:56 IST
ആലപ്പുഴ: നവകേരളയാത്രയിൽ ബസിന് നേരെ പ്രതിഷേധിച്ച യൂത്ത് കോണ്ഗ്രസ് പ്രവര്ത്തകരെ മര്ദിച്ച കേസില് പ്രതികളായ മുന്മുഖ്യമന്ത്രിയുടെ ഗണ്മാന്മാര്ക്ക് മുന്കൂര് ജാമ്യം. ആലപ്പുഴ സെഷന്സ് കോടതിയാണ് ജാമ്യം അനുവദിച്ചത്. ജാമ്യഹര്ജിയില് വാദം നേരത്തെ പൂര്ത്തിയായിരുന്നു. ഗണ്മാന് അനില് കുമാര്, സുരക്ഷാ ഉദ്യോഗസ്ഥന് സന്ദീപ്, പൊലീസ് ഉദ്യോഗസ്ഥരായ ഷൈജു, അരുണ്, വിപിന് എന്നിവര്ക്കാണ് ജാമ്യം അനുവദിച്ചത്.
2023 ഡിസംബര് 15ന് ആലപ്പുഴ ജനറല് ആശുപത്രി ജങ്ഷനില് വച്ച് അന്നത്തെ മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസിനു നേരെ പ്രതിഷേധമുയര്ത്തിയതിന്റെ പേരില് കെഎസ്യു ജില്ലാ പ്രസിഡന്റ് എ.ഡി.തോമസ്, യൂത്ത് കോണ്ഗ്രസ് സംസ്ഥാന സെക്രട്ടറി അജയ് ജ്യുവല് കുര്യാക്കോസ് എന്നിവരെ പിണറായി വിജയന്റെ ഗണ്മാനും അകമ്പടി സേനയും ചേര്ന്നു മര്ദിച്ചെന്നാണു കേസ്.