ഡൽഹി. ഇടപാട്കാരുടെ ശ്രദ്ധക്ക്‌ ..റിസർവ് ബാങ്ക് ഓഫ് ഇന്ത്യയുടെ (RBI) ഔദ്യോഗിക അവധി പട്ടിക പ്രകാരം, ഏപ്രില്‍ മാസത്തില്‍ വിവിധ സംസ്ഥാനങ്ങളിലായി 14 ദിവസത്തോളം ബാങ്കുകള്‍ക്ക് അവധി ലഭിക്കും.

വാർഷിക കണക്കെടുപ്പ്, പ്രാദേശിക ഉത്സവങ്ങള്‍, വാരാന്ത്യ അവധികള്‍ എന്നിവ ഉള്‍പ്പെടുന്നതാണിത്. കേരളത്തിലെ സാഹചര്യത്തില്‍ ഏപ്രില്‍ മാസം നിരവധി മതപരമായ ആഘോഷങ്ങളും പൊതു അവധികളും ഉള്ളതിനാല്‍ ഇടപാടുകള്‍ മുൻകൂട്ടി പ്ലാൻ ചെയ്യേണ്ടത് അത്യാവശ്യമാണ്.

ബാങ്ക് അവധി ദിനങ്ങള്‍ - ഏപ്രില്‍ 2026

കേരളത്തിലെ ബാങ്കുകള്‍ക്ക് പ്രധാനമായും ലഭിക്കുന്ന അവധികള്‍ താഴെ പറയുന്നവയാണ്.

ഏപ്രില്‍ 1 (ബുധൻ): ബാങ്കുകളുടെ വാർഷിക അക്കൗണ്ട് ക്ലോസിംഗ്. ഈ ദിവസം ബാങ്ക് ശാഖകള്‍ തുറക്കുമെങ്കിലും പൊതുജനങ്ങളുമായുള്ള സാമ്പത്തിക ഇടപാടുകള്‍ നടക്കില്ല.

ഏപ്രില്‍ 2 (വ്യാഴം): പെസഹാ വ്യാഴം (Maundy Thursday). കേരളത്തില്‍ ഈ ദിവസം ബാങ്കുകള്‍ക്ക് അവധിയാണ്.

ഏപ്രില്‍ 3 (വെള്ളി): ദുഃഖവെള്ളി (Good Friday). ഇന്ത്യയിലുടനീളമുള്ള ബാങ്കുകള്‍ക്ക് ഈ ദിവസം അവധിയായിരിക്കും.

ഏപ്രില്‍ 5 (ഞായർ): ഈസ്റ്റർ / പതിവ് ഞായറാഴ്ച അവധി.

ഏപ്രില്‍ 11 (ശനി): രണ്ടാം ശനിയാഴ്ച.

ഏപ്രില്‍ 12 (ഞായർ): ഞായറാഴ്ച അവധി.

ഏപ്രില്‍ 14 (ചൊവ്വ): ഡോ. ബി.ആർ. അംബേദ്കർ ജയന്തി / തമിഴ് പുതുവർഷം. മിക്ക സംസ്ഥാനങ്ങളിലും ഈ ദിവസം അവധിയാണ്.

ഏപ്രില്‍ 15 (ബുധൻ): വിഷു / ബംഗാളി പുതുവർഷം / ഹിമാചല്‍ ഡേ. കേരളത്തില്‍ വിഷു പ്രമാണിച്ച്‌ ഈ ദിവസം ഔദ്യോഗിക അവധിയാണ്.

ഏപ്രില്‍ 19 (ഞായർ): ഞായറാഴ്ച അവധി.

ഏപ്രില്‍ 25 (ശനി): നാലാം ശനിയാഴ്ച.

ഏപ്രില്‍ 26 (ഞായർ): ഞായറാഴ്ച അവധി.

മറ്റ് സംസ്ഥാനങ്ങളില്‍ ഏപ്രില്‍ 16-ന് ബൊഹാഗ് ബിഹു പ്രമാണിച്ചും, ഏപ്രില്‍ 20-ന് ബസവ ജയന്തി അല്ലെങ്കില്‍ അക്ഷയ തൃതീയ പ്രമാണിച്ചും ബാങ്കുകള്‍ക്ക് അവധി ഉണ്ടായിരിക്കും.