കാനത്തില് ജമീലയ്ക്ക് വിട ; സംസ്കാരം മറ്റന്നാള്
അര്ബുദബാധയെ തുടര്ന്ന് കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന കാനത്തില് ജമീലയുടെ മരണം
ചൊവ്വാഴ്ച രാവിലെ കോഴിക്കോട് ജില്ലാ കമ്മിറ്റി ഓഫീസിലും ശേഷം കൊയിലാണ്ടി ടൗണ്ഹാളിലും മൃതദേഹം പൊതുദര്ശനത്തിന് വെക്കും.
കൊയിലാണ്ടി എംഎല്എ കാനത്തില് ജമീലയുടെ സംസ്കാരം മറ്റന്നാള് നടക്കും. ഔദ്യോഗിക ബഹുമതികളോടെ അത്തോളി കുനിയില്ക്കടവ് ജുമമസ്ജിദിലാണ് സംസ്കാരം.
ചൊവ്വാഴ്ച രാവിലെ കോഴിക്കോട് ജില്ലാ കമ്മിറ്റി ഓഫീസിലും ശേഷം കൊയിലാണ്ടി ടൗണ്ഹാളിലും മൃതദേഹം പൊതുദര്ശനത്തിന് വെക്കും. അര്ബുദബാധയെ തുടര്ന്ന് കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന കാനത്തില് ജമീലയുടെ മരണം ഇന്നലെ രാത്രിയാണ് സ്ഥിരീകരിച്ചത്. സിപിഎം സംസ്ഥാന സെക്രട്ടറി എംവി ഗോവിന്ദന്, മന്ത്രി മുഹമ്മദ് റിയാസ് , എം.കെ.രാഘവന് എംപി, കെ.കെ.രമ എംഎല്എ തുടങ്ങിയവര് ആശുപത്രിയിലെത്തി അന്തിമോപചാരം അര്പ്പിച്ചു. ഗ്രാമപഞ്ചായത്തംഗമായി രാഷ്ട്രീയ പ്രവര്ത്തനം ആരംഭിച്ച കാനത്തില് ജമീല 2021 ല് കൊയിലാണ്ടിയില് നിന്നാണ് നിയമസഭയിലേക്കെത്തിയത്.
മലബാറിലെ ആദ്യ മുസ്ലിം വനിത എംഎല്എയാണ്. സിപിഎമ്മിന് മികച്ച നേതാവിനെയാണ് നഷ്ടമായതെന്ന് സംസ്ഥാന സെക്രട്ടറി എം വി ഗോവിന്ദന് പറഞ്ഞു.