മദ്യലഹരിയില്‍ അമിത വേഗതയിലെത്തിയ എക്‌സൈസ് ഉദ്യോഗസ്ഥന്റെ കാര്‍ മറിഞ്ഞു; നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു
രാത്രി ഒന്‍പത് മണിയോടെയായിരുന്നു സംഭവം.
Oct 25, 2026, 06:46 IST
നെയ്യാര്‍ഡാം ചെക്ക്‌പോസ്റ്റിലെ ഉദ്യോഗസ്ഥനായ ഷിജു ആര്‍ ആണ് അപകടം ഉണ്ടാക്കിയത്.
മദ്യലഹരിയില്‍ അമിത വേഗതയിലെത്തിയ എക്‌സൈസ് ഉദ്യോഗസ്ഥന്റെ കാര്‍ മറിഞ്ഞു. നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു. നെയ്യാര്‍ഡാം ചെക്ക്‌പോസ്റ്റിലെ ഉദ്യോഗസ്ഥനായ ഷിജു ആര്‍ ആണ് അപകടം ഉണ്ടാക്കിയത്. രാത്രി ഒന്‍പത് മണിയോടെയായിരുന്നു സംഭവം.
കട്ടയ്‌ക്കോട് ഭാഗത്തു നിന്നും കാട്ടാക്കടയിലേക്ക് വരികയായിരുന്നു എക്‌സൈസ് ഉദ്യോഗസ്ഥന്‍. കട്ടയ്‌ക്കോട് റോഡിലെ ഒരു ഹോള്‍സെയില്‍ കടയ്ക്ക് മുന്നില്‍ വെച്ച് നിയന്ത്രണം വിട്ട കാര്‍ മറിയുകയായിരുന്നു. എതിരെ വന്ന ഒരു ബൈക്ക് യാത്രികന്‍ അത്ഭുതകരമായാണ് അപകടത്തില്‍ നിന്നും രക്ഷപ്പെട്ടത്.
അപകടത്തിന് ശേഷം രക്ഷപ്പെടാന്‍ ശ്രമിച്ച ഉദ്യോഗസ്ഥനെ നാട്ടുകാര്‍ തടഞ്ഞുവെച്ച് പൊലീസില്‍ ഏല്‍പ്പിക്കുകയായിരുന്നു. തുടര്‍ന്ന് സ്റ്റേഷനില്‍ എത്തിച്ച പൊലീസ്, ഇയാളുടെ വൈദ്യപരിശോധനയും നടത്തി.