എറണാകുളം: എറണാകുളം-ബെംഗളൂരു വന്ദേഭാരത് അടുത്തയാഴ്ച സര്‍വീസ് ആരംഭിക്കും. പ്രധാനമന്ത്രി നരേന്ദ്രമോദി ഓണ്‍ലൈനായി ഉദ്ഘാടനം ചെയ്യും.എറണാകുളത്ത് നിന്ന് തൃശൂര്‍, പാലക്കാട് വഴിയുള്ള ട്രെയിനിന്റെ ഷെഡ്യൂള്‍ റെയില്‍വേ പുറത്തിറക്കി. ബുധനാഴ്ച ഒഴികെയുള്ള ദിവസങ്ങളില്‍ സര്‍വീസുണ്ടാകും.

എറണാകുളത്ത് നിന്ന് ഉച്ചയ്ക്ക് 2.20ന് പുറപ്പെടുന്ന ട്രെയിന്‍ രാത്രി 11-ന് കെഎസ്‌ആര്‍ ബെംഗളൂരുവിലെത്തും. തിരിച്ച്‌, രാവിലെ 5.10 ന് പുറപ്പെട്ട് ഉച്ചയ്ക്ക് 1.50-ന് എറണാകുളത്തെത്തും. തൃശൂര്‍, പാലക്കാട്, കോയമ്ബത്തൂര്‍, ഈറോഡ്, തിരുപ്പൂര്‍, സേലം കൃഷ്ണരാജപുരം എന്നിവടങ്ങളില്‍ സ്റ്റോപ്പ് അനുവദിച്ചിട്ടുണ്ട്.