തിരുവനന്തപുരം: സ്ഥാനാര്ഥികളുടെ നിര്യാണത്തെത്തുടര്ന്ന് മാറ്റിവച്ച മൂന്ന് തദ്ദേശ സ്വയംഭരണ വാര്ഡുകളിലേക്കുള്ള പ്രത്യേക തെരഞ്ഞെടുപ്പിനുള്ള വിജ്ഞാപനം സംസ്ഥാന തെരഞ്ഞെടുപ്പ് കമ്മിഷന് പുറപ്പെടുവിച്ചു.2026 ജനുവരി 12ന് രാവിലെ ഏഴു മുതല് വൈകിട്ട് ആറു വരെയാണ് വോട്ടെടുപ്പ്.

ഈ മാസം 24 വരെ നാമനിർദേശ പത്രിക സമർപ്പിക്കാം പത്രികയുടെ സൂക്ഷ്മ പരിശോധന 26ന് നടക്കും. പത്രിക പിന്വലിക്കാനുള്ള അവസാന തീയതി 29 ആണ്. ജനുവരി 13ന് രാവിലെ 10 മുതലാണ് വോട്ടെണ്ണല്.

മലപ്പുറം ജില്ലയിലെ മൂത്തേടം ഗ്രാമപഞ്ചായത്തിലെ പായിംപാടം, എറണാകുളം ജില്ലയിലെ പാമ്ബാക്കുട ഗ്രാമപഞ്ചായത്തിലെ ഓണക്കൂര്, തിരുവനന്തപുരം കോര്പറേഷനിലെ വിഴിഞ്ഞം എന്നീ വാര്ഡുകളിലാണ് പ്രത്യേക തെരഞ്ഞെടുപ്പ് നടത്തുന്നത്.

ഈ മാസം 9, 11 തീയതികളിലെ വോട്ടെടുപ്പ് റദ്ദാക്കുന്ന സമയത്ത് സ്ഥാനാർഥിയായിരുന്നവർ വീണ്ടും നാമനിർദേശ പത്രിക സമർപ്പിക്കേണ്ടതില്ല. പുതുതായി പത്രിക സമര്പ്പിക്കാന് താല്പര്യമുള്ളവര്ക്ക് 24 വരെ സമര്പ്പിക്കാം.

എന്നാല് വോട്ടെടുപ്പ് റദ്ദാക്കുന്നതിന് മുമ്ബ് സ്ഥാനാര്ഥിത്വം പിന്വലിക്കുന്നതിന് നോട്ടിസ് നല്കിയവരുടെ സ്ഥാനാർഥിത്വം നിലനില്ക്കില്ല. അവര് വീണ്ടും മത്സരിക്കാന് താല്പ്പര്യപ്പെടുന്നപക്ഷം പുതുതായി നാമനിര്ദേശം ചെയ്യാവുന്നതാണെന്നും തെരഞ്ഞെടുപ്പ് കമ്മിഷന് അറിയിച്ചു.

സ്ഥാനാർഥികള് തെരഞ്ഞെടുപ്പ് ചെലവ് ഫെബ്രുവരി 12 നകം അതത് തദ്ദേശസ്ഥാപന സെക്രട്ടറിമാര്ക്ക് സമര്പ്പിക്കണം. മൂത്തേടം, പാമ്ബാക്കുട ഗ്രാമപഞ്ചായത്തുകളില് പൂര്ണമായും വിഴിഞ്ഞം വാര്ഡില് മാത്രമായും മാതൃകാപെരുമാറ്റചട്ടം നിലനില്ക്കും