ഓഗസ്റ്റ് 18 മുതല് വിഴിഞ്ഞം തുറമുഖത്ത് സമ്പൂര്ണ കയറ്റുമതി-ഇറക്കുമതിക്ക് തുടക്കം
വിഴിഞ്ഞം അന്താരാഷ്ട്ര തുറമുഖത്തിലെ സമ്പൂര്ണ കയറ്റുമതി-ഇറക്കുമതി പ്രവര്ത്തനങ്ങള് ഓഗസ്റ്റ് 18 മുതല് ആരംഭിക്കും .കേരള സര്ക്കാര്-അദാനി പോര്ട്സ് ആന്ഡ് സ്പെഷല് ഇക്കണോമിക് സോണ് സംയുക്ത പൊതുസ്വകാര്യ പങ്കാളിത്ത മാതൃകയില് വികസിപ്പിച്ച വിഴിഞ്ഞം അന്താരാഷ്ട്ര തുറമുഖം, ലോകത്തിലെ അതിവേഗം വളരുന്ന കണ്ടെയ്നര് തുറമുഖങ്ങളിലൊന്നാണ്.
ആദ്യ കയറ്റുമതി കണ്ടെയ്നര് മുഖ്യമന്ത്രി ഫ്ളാഗ് ഓഫ് ചെയ്ത് ചെയ്യും. തുടര്ന്ന് 'മിഷന് സമുദ്ര' ബിസിനസ് സമ്മിറ്റും സംഘടിപ്പിക്കും
തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്തിലെ സമ്പൂര്ണ കയറ്റുമതി-ഇറക്കുമതി പ്രവര്ത്തനങ്ങള് ഓഗസ്റ്റ് 18 മുതല് ആരംഭിക്കും .കേരള സര്ക്കാര്-അദാനി പോര്ട്സ് ആന്ഡ് സ്പെഷല് ഇക്കണോമിക് സോണ് സംയുക്ത പൊതുസ്വകാര്യ പങ്കാളിത്ത മാതൃകയില് വികസിപ്പിച്ച വിഴിഞ്ഞം അന്താരാഷ്ട്ര തുറമുഖം, ലോകത്തിലെ അതിവേഗം വളരുന്ന കണ്ടെയ്നര് തുറമുഖങ്ങളിലൊന്നാണ്.
ആദ്യ കയറ്റുമതി കണ്ടെയ്നര് മുഖ്യമന്ത്രി ഫ്ളാഗ് ഓഫ് ചെയ്ത് ചെയ്യും. തുടര്ന്ന് 'മിഷന് സമുദ്ര' ബിസിനസ് സമ്മിറ്റും സംഘടിപ്പിക്കും.സര്ക്കാരിന്റെ 100 ദിന കര്മ്മപരിപാടിയില് ഉള്പ്പെടുത്തി എക്സിം സേവനങ്ങള് ആരംഭിക്കുന്നതിലൂടെ വിഴിഞ്ഞം സമ്പൂര്ണ കയറ്റുമതി-ഇറക്കുമതി കവാടമായി മാറും.
ഇതിലൂടെ ചരക്ക് ഗതാഗതച്ചെലവ് കുറയുകയും വിതരണ ശൃംഖല കൂടുതല് കാര്യക്ഷമമാകുകയും കയറ്റുമതി മത്സരക്ഷമത വര്ധിക്കുകയും പുതിയ നിക്ഷേപങ്ങളും തൊഴിലവസരങ്ങളും സൃഷ്ടിക്കപ്പെടുകയും ചെയ്യും. ആഗോള ഷിപ്പിംഗ് കമ്പനികള്, ലോജിസ്റ്റിക്സ് സ്ഥാപനങ്ങള്, കയറ്റുമതിക്കാര്, നിക്ഷേപകര്, വ്യവസായ പ്രമുഖര് എന്നിവര് പങ്കെടുക്കുന്ന സമ്മേളനത്തില് കേരളത്തിന്റെ മാരിടൈം സാമ്പത്തിക വികസന കാഴ്ചപ്പാട് അവതരിപ്പിക്കുന്നതോടൊപ്പം മിഷന് സമുദ്ര ഔദ്യോഗികമായി പ്രഖ്യാപിക്കും