കൊച്ചിന് കാന്സര് റിസര്ച്ച് സെന്ററിന്റെ ഉദ്ഘാടനം ഇന്ന്
ആദ്യഘട്ടത്തില് 100 കിടക്കകളോടെയാണ് സ്ഥാപനം പ്രവര്ത്തനം ആരംഭിക്കുന്നത്.
കാന്സര് രോഗികള്ക്ക് ആധുനികവും ഗുണമേന്മയുള്ളതുമായ ചികിത്സ ലഭ്യമാക്കുക എന്ന ലക്ഷ്യത്തോടെയാണ് കേന്ദ്രം സ്ഥാപിച്ചിരിക്കുന്നത്.
കൊച്ചിന് കാന്സര് റിസര്ച്ച് സെന്ററിന്റെ ഉദ്ഘാടനം ഇന്ന്. കേരളത്തിന്റെ കാന്സര് ചികിത്സാ രംഗത്ത് ലോകോത്തര സൗകര്യങ്ങളുമായി 449 കോടി രൂപ ചിലവഴിച്ച് നിര്മ്മിച്ച പുതിയ കെട്ടിടത്തിന്റെ ഉദ്ഘാടനമാണ് ഇന്ന് നടക്കുന്നത്. വൈകീട്ട് മൂന്ന് മണിക്ക് മുഖ്യമന്ത്രി പിണറായി വിജയന് കാന്സര് റിസര്ച്ച് സെന്ററിന്റെ ഉദ്ഘാടനം നിര്വ്വഹിക്കും. കേരള സര്ക്കാരിന്റെ ആഭിമുഖ്യത്തില് സ്ഥാപിതമായ ആധുനിക കാന്സര് ചികിത്സാ ഗവേഷണ കേന്ദ്രമാണ് കൊച്ചിന് കാന്സര് റിസര്ച്ച് സെന്റര്. കാന്സര് രോഗികള്ക്ക് ആധുനികവും ഗുണമേന്മയുള്ളതുമായ ചികിത്സ ലഭ്യമാക്കുക എന്ന ലക്ഷ്യത്തോടെയാണ് കേന്ദ്രം സ്ഥാപിച്ചിരിക്കുന്നത്.
ആദ്യഘട്ടത്തില് 100 കിടക്കകളോടെയാണ് സ്ഥാപനം പ്രവര്ത്തനം ആരംഭിക്കുന്നത്. കളമശ്ശേരി മെഡിക്കല് കോളജ് ക്യാമ്പസിലെ 12.63 ഏക്കര് സ്ഥലത്ത് 6.3 ലക്ഷം ചതുശ്ര അടി വിസ്തീര്ണമുള്ള 9 നില കെട്ടിടത്തില് റേഡിയേഷന് തെറാപ്പി മെഷീന്, എംആര്ഐ, സിടി, പെറ്റ് സിടി സ്കാനിങ് മെഷീനുകള്, വെന്റിലേറ്ററുകള്, ശീതീകരിച്ച ഫാര്മസി മുറി, മോണിറ്ററുകള് എന്നീ സൗകര്യങ്ങളും സജ്ജമാക്കിയിട്ടുണ്ട്. പദ്ധതിയുടെ അടുത്തഘട്ടം പൂര്ത്തിയാകുമ്പോള് 360 കിടക്കകള് ഇവിടുണ്ടാകും.