ക്രിസ്മസ് അവധി : ബെംഗളൂരു – കൊല്ലം സ്പെഷ്യൽ ട്രെയിൻ പ്രഖ്യാപിച്ചു 

തിരുവനന്തപുരം: ക്രിസ്മസ് ആഘോഷങ്ങളുടെ ഭാഗമായുള്ള യാത്രക്കാരുടെ വൻ തിരക്ക് കണക്കിലെടുത്ത് അധിക ഫെസ്റ്റിവൽ സ്‌പെഷ്യൽ ട്രെയിൻ സർവീസ് പ്രഖ്യാപിച്ച് ഇന്ത്യൻ റെയിൽവേ. ബെംഗളൂരുവിൽ നിന്ന് കൊല്ലം വരെയാണ് ഈ പ്രത്യേക സർവീസ് നടത്തുന്നത്. യാത്രക്കാർക്ക് സുരക്ഷിതവും സുഖപ്രദവുമായ യാത്ര ഉറപ്പാക്കുന്നതിന്റെ ഭാഗമായാണ് നടപടിയെന്ന് റെയിൽവേ അറിയിച്ചു.

ട്രെയിൻ നമ്പർ 06577 എസ്എംവിടി ബെംഗളൂരു – കൊല്ലം എക്സ്പ്രസ് സ്‌പെഷ്യൽ ഇന്ന് (ഡിസംബർ 23) രാത്രി 11.00-ന് ബെംഗളൂരുവിൽ നിന്ന് പുറപ്പെടും. നാളെ വൈകിട്ട് 4.00-ന് ട്രെയിൻ കൊല്ലം ജംഗ്ഷനിൽ എത്തിച്ചേരും. ക്രിഷ്‌ണരാജപുരം, ബംഗാരപേട്ട്, സേലം, ഈറോഡ്, തിരുപ്പൂർ, പോടനൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം.

മടക്ക സർവീസായി ട്രെയിൻ നമ്പർ 06578 കൊല്ലം – എസ്എംവിടി ബെംഗളൂരു എക്സ്പ്രസ് സ്‌പെഷ്യൽ നാളെ (ഡിസംബർ 24) വൈകിട്ട് 6.30-ന് കൊല്ലം ജംഗ്ഷനിൽ നിന്ന് പുറപ്പെടും. അടുത്ത ദിവസം രാവിലെ 11.00-ന് ട്രെയിൻ ബെംഗളൂരുവിൽ എത്തും.

കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശ്ശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്. തുടർന്ന് പോടനൂർ, തിരുപ്പൂർ, ഈറോഡ്, സേലം, ബംഗാരപേട്ട്, ക്രിഷ്‌ണരാജപുരം വഴി ട്രെയിൻ സഞ്ചരിക്കും. കേരളത്തിലെ സ്റ്റോപ്പുകളാണ്.

യാത്രക്കാരുടെ സൗകര്യം പരിഗണിച്ച് വിപുലമായ കോച്ചുകളാണ് ട്രെയിനിൽ സജ്ജീകരിച്ചിരിക്കുന്നത്, ഫസ്റ്റ് ക്ലാസ് എസി: 1,2-ടയർ എസി: 2 , 3-ടയർ എസി: 4 , സ്ലീപ്പർ ക്ലാസ്: 9 , സെക്കൻഡ് ക്ലാസ് ജനറൽ: 3 , ലഗേജ്-കം-ബ്രേക്ക് വാൻ: 2

സീസൺ തിരക്ക് കണക്കിലെടുത്ത് യാത്രക്കാരുടെ സൗകര്യാർത്ഥം കൂടുതൽ കോച്ചുകളും പ്രത്യേക സ്റ്റോപ്പുകളും അനുവദിച്ചുകൊണ്ടുള്ള റെയിൽവേയുടെ ഇടപെടൽ സ്വാഗതാർഹമാണ്. ബെംഗളൂരുവിൽ നിന്നുള്ള മലയാളി യാത്രക്കാർക്ക് ഏറെ ആശ്വാസകരമാകുന്നതാണ് റെയിൽവേയുടെ ഈ പുതിയ തീരുമാനം. അവസാന നിമിഷം ടിക്കറ്റ് ലഭിക്കാതെ ബുദ്ധിമുട്ടുന്നവർക്ക് ഈ ഫെസ്റ്റിവൽ സ്പെഷ്യൽ സർവീസ് വലിയ സഹായമാകും. ക്രിസ്മസ്-പുതുവത്സര സീസണിലെ തിരക്ക് പരിഗണിച്ച് വരും ദിവസങ്ങളിലും കൂടുതൽ പ്രത്യേക സർവീസുകൾ റെയിൽവേ പ്രഖ്യാപിക്കാൻ സാധ്യതയുണ്ട്. യാത്രക്കാർക്ക് ഐആർസിടിസി വെബ്സൈറ്റ് വഴിയോ മൊബൈൽ ആപ്പ് വഴിയോ ടിക്കറ്റുകൾ മുൻകൂട്ടി ബുക്ക് ചെയ്യാവുന്നതാണ്.