കശുവണ്ടി വികസന കോര്പ്പറേഷന് അഴിമതിക്കേസ്; ഐഎന്ടിയുസി സംസ്ഥാന പ്രസിഡന്റ് ആര് ചന്ദ്രശേഖരനെ പ്രോസിക്യൂട്ട് ചെയ്യാന് സര്ക്കാര് അനുമതി
കശുവണ്ടി വികസന കോര്പ്പറേഷന് അഴിമതിക്കേസില് ഐഎന്ടിയുസി സംസ്ഥാന പ്രസിഡന്റ് ആര് ചന്ദ്രശേഖരനെ പ്രോസിക്യൂട്ട് ചെയ്യാന് സര്ക്കാര് അനുമതി. മുന് എം ഡി കെ എ രതീഷിനെയും പ്രോസിക്യൂട്ട് ചെയ്യാനും സര്ക്കാര് അനുമതി നല്കിയിട്ടുണ്ട്. പ്രോസിക്യൂഷൻ അനുമതി നൽകിയ കാര്യം അഡ്വക്കേറ്റ് ജനറൽ ഹൈക്കോടതിയെ അറിയിച്ചു
തിരുവനന്തപുരം: കശുവണ്ടി വികസന കോര്പ്പറേഷന് അഴിമതിക്കേസില് ഐഎന്ടിയുസി സംസ്ഥാന പ്രസിഡന്റ് ആര് ചന്ദ്രശേഖരനെ പ്രോസിക്യൂട്ട് ചെയ്യാന് സര്ക്കാര് അനുമതി. മുന് എം ഡി കെ എ രതീഷിനെയും പ്രോസിക്യൂട്ട് ചെയ്യാനും സര്ക്കാര് അനുമതി നല്കിയിട്ടുണ്ട്. പ്രോസിക്യൂഷൻ അനുമതി നൽകിയ കാര്യം അഡ്വക്കേറ്റ് ജനറൽ ഹൈക്കോടതിയെ അറിയിച്ചു. സർക്കാർ ഉത്തരവ് ഹാജരാക്കാൻ രണ്ടു ദിവസം സാവകാശം അനുവദിക്കണമെന്നും എജി ആവശ്യപ്പെട്ടു. ഇത് അംഗീകരിച്ച ഹൈക്കോടതി, ഉത്തരവ് അടുത്ത ബുധനാഴ്ചയ്ക്കകം ഹാജരാക്കാൻ നിർദേശിച്ചു. കശുവണ്ടി അഴിമതിക്കേസിലെ കോടതി അലക്ഷ്യ ഹർജി കോടതി അടുത്ത ബുധനാഴ്ച വീണ്ടും പരിഗണിക്കും.
കശുവണ്ടി വികസന കോര്പ്പറേഷന് അഴിമതിക്കേസില് ഇരുവരേയും പ്രോസിക്യൂട്ട് ചെയ്യാന് അനുമതി വേണമെന്ന സിബിഐയുടെ ആവശ്യത്തില്, അഞ്ചു വര്ഷത്തിന് ശേഷമാണ് സര്ക്കാര് തീരുമാനമെടുക്കുന്നത്. കഴിഞ്ഞ പിണറായി വിജയന് സര്ക്കാര് ചന്ദ്രശേഖരൻ പ്രതിയായ കശുവണ്ടി അഴിമതിയില് പ്രോസിക്യൂഷന് അനുമതി നല്കാതെ തടഞ്ഞു വെച്ചിരിക്കുകയായിരുന്നു. ഇതിനെതിരെ ഹൈക്കോടതി രൂക്ഷ വിമര്ശനം ഉന്നയിച്ചിരുന്നു.