ബിജെപി കൗണ്സിലര് ആര്. സുഗതന്റെ സത്യപ്രതിജ്ഞ ഇന്ന് വിയ്യൂര് ജയിലില്
ജനാധിപത്യത്തെ സംരക്ഷിക്കുകയെന്നത് കോടതിയുടെ കടമയെന്ന് കോടതി വ്യക്തമാക്കിയിരുന്നു. ജനാധിപത്യത്തില് ജനകീയ കല്പ്പന മാനിക്കപ്പെടണമെന്ന് ഹൈക്കോടതി പറഞ്ഞു.
ജയിലില് സത്യപ്രതിജ്ഞ ചെയ്യുന്നതിനെ കുറിച്ച് എന്താണ് നിലപാടെന്നും സുഗതന് സത്യപ്രതിജ്ഞ ചെയ്യാന് സാധിച്ചില്ലേല് കോര്പ്പറേഷനില് ഭരണം നഷ്ടപ്പെടുമോ എന്നും കോടതി സര്ക്കാറിനോട് ചോദിച്ചിരുന്നു.
കാപ്പ കേസില് തടവിലുള്ള തിരുവനന്തപുരം കോര്പ്പറേഷന് ബിജെപി കൗണ്സിലര് ആര്. സുഗതന്റെ സത്യപ്രതിജ്ഞ ഇന്ന് വിയ്യൂര് ജയിലില്. ചടങ്ങ് രാവിലെ 11ന് ജയില് സൂപ്രണ്ടിന്റെ മുറിയില് നടക്കും. ജയിലിലെ സത്യപ്രതിജ്ഞ സംസ്ഥാനത്ത് ആദ്യമായാണ് നടക്കുന്നത്. ജനാധിപത്യത്തെ സംരക്ഷിക്കുകയെന്നത് കോടതിയുടെ കടമയെന്ന് കോടതി വ്യക്തമാക്കിയിരുന്നു. ജനാധിപത്യത്തില് ജനകീയ കല്പ്പന മാനിക്കപ്പെടണമെന്ന് ഹൈക്കോടതി പറഞ്ഞു. അസാധാരണ സാഹചര്യങ്ങളില് അസാധാരണ തീരുമാനം കോടതിയ്ക്കെടുക്കാം. ജനവിധി മാനിക്കാനാണ് അത്തരം അസാധാരണ തീരുമാനമെന്നും ഉത്തരവില് പറയുന്നു. കേരളത്തില് അപൂര്വ സംഭവത്തിനാണ് സാക്ഷ്യം വഹിക്കുന്നത്. കേരള രാഷ്ട്രീയത്തിന്റെ ചരിത്രത്തില് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്. പരിമിതമായി അക്രഡിറ്റേഷന് ഉള്ള മാധ്യമപ്രവര്ത്തകരെയും കയറ്റും. ചട്ടവിരുദ്ധമായി പല ദൈവങ്ങളുടെ പേരില് പ്രതിജ്ഞ ചെയ്തതിന് ഹൈക്കോടതി സത്യപ്രതിജ്ഞ അസാധുവാക്കിയവരില് ഒരാളാണ് വാര്ഡ് 20 ലെ കൗണ്സിലറായ സുഗതന്.
ജയിലില് സത്യപ്രതിജ്ഞ ചെയ്യുന്നതിനെ കുറിച്ച് എന്താണ് നിലപാടെന്നും സുഗതന് സത്യപ്രതിജ്ഞ ചെയ്യാന് സാധിച്ചില്ലേല് കോര്പ്പറേഷനില് ഭരണം നഷ്ടപ്പെടുമോ എന്നും കോടതി സര്ക്കാറിനോട് ചോദിച്ചിരുന്നു. സുഗതനെ ജനങ്ങള് തെരഞ്ഞെടുത്തതാണെന്ന കാര്യം അംഗീകരിക്കണം. തെരഞ്ഞെടുപ്പിനു മുന്പേ ഉള്പ്പെട്ട കേസുകളിലല്ലേ സുഗതനെതിരെ കാപ്പ ചുമത്തിയതെന്നും സര്ക്കാരിനോട് കോടതി ചോദിച്ചു. കോടതി നിര്ദ്ദേശിച്ചാല് സൗകര്യം ഒരുക്കാം എന്ന് സര്ക്കാരും അറിയിച്ചു. കാപ്പ പ്രതിക്ക് ഭരണഘടനാപരമായി ഒരു അവകാശവും ഇല്ലെന്നും സര്ക്കാര് അറിയിച്ചു. കഴിഞ്ഞ ജൂണ് 9 മുതല് കാപ്പ ചുമതി നാടുകടത്തപ്പെട്ട ആ സുഗതന് നിലവില് വിയ്യൂര് സെന്ട്രല് ജയിലിലാണ്.