ബിജെപി കൗൺസിലർ ആർ സുഗതൻ ജയിലിൽ സത്യപ്രതിജ്ഞ ചെയ്തു
വിയ്യൂര് ജയിലില് സത്യപ്രതിജ്ഞ ചെയ്ത് കാപ്പാകേസ് പ്രതിയും ബിജെപി കൗണ്സിലറുമായ ആര് സുഗതന്.രാവിലെ 11 മണിയോടെ ജയില് സൂപ്രണ്ടിന്റെ മുറിയില് വെച്ചാണ് സത്യപ്രതിജ്ഞ ചടങ്ങ് നടന്നത്.
Updated: Jul 14, 2026, 11:43 IST
സംസ്ഥാനത്ത് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്
തൃശ്ശൂര്: വിയ്യൂര് ജയിലില് സത്യപ്രതിജ്ഞ ചെയ്ത് കാപ്പാകേസ് പ്രതിയും ബിജെപി കൗണ്സിലറുമായ ആര് സുഗതന്.രാവിലെ 11 മണിയോടെ ജയില് സൂപ്രണ്ടിന്റെ മുറിയില് വെച്ചാണ് സത്യപ്രതിജ്ഞ ചടങ്ങ് നടന്നത്.
മേയര് വി വി രാജേഷ് സത്യവാചകം ചൊല്ലിക്കൊടുത്തു.ഹൈക്കോടതിയുടെ അനുമതിയോടെയായിരുന്നു ജയിലില് സത്യപ്രതിജ്ഞ.സുഗതന് മേല് ചുമത്തിയ കാപ്പാ തടവ് കാപ്പാ ഉപദേശക സമിതി ശരിവെച്ചിട്ടുണ്ട്.
ഇതോടെ തിരുവനന്തപുരം ജില്ലയില് പ്രവേശിക്കാന് സുഗതന് വിലക്കുണ്ട്. സത്യപ്രതിജ്ഞ നടത്താന് സാധിച്ചില്ലെങ്കില് സുഗതന് കൗണ്സിലര് സ്ഥാനത്ത് നിന്ന് അയോഗ്യനാക്കപ്പെടുമായിരുന്നു.സംസ്ഥാനത്ത് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്