നിലമ്പൂരില്‍ ഓടിക്കൊണ്ടിരുന്ന ബൈക്കിന് തീപിടിച്ചു
ഓടിക്കൊണ്ടിരുന്ന ബൈക്കിന് പെട്ടെന്ന് തീപിടിച്ച് അപകടം. ബൈക്കിലുണ്ടായിരുന്ന യാത്രക്കാരന്‍ സമയോചിതമായി വാഹനം നിര്‍ത്തി പുറത്തിറങ്ങിയതിനാല്‍ വന്‍ ദുരന്തം ഒഴിവായിഇന്ന് ഉച്ചയോടെയാണ് നിലമ്പൂരില്‍ സംഭവം നടന്നത്.
ബൈക്കിലുണ്ടായിരുന്ന യാത്രക്കാരന്‍ സമയോചിതമായി വാഹനം നിര്‍ത്തി പുറത്തിറങ്ങിയതിനാല്‍ വന്‍ ദുരന്തം ഒഴിവായിഇന്ന് ഉച്ചയോടെയാണ് നിലമ്പൂരില്‍ സംഭവം നടന്നത്.
മലപ്പുറം: ഓടിക്കൊണ്ടിരുന്ന ബൈക്കിന് പെട്ടെന്ന് തീപിടിച്ച് അപകടം. ബൈക്കിലുണ്ടായിരുന്ന യാത്രക്കാരന്‍ സമയോചിതമായി വാഹനം നിര്‍ത്തി പുറത്തിറങ്ങിയതിനാല്‍ വന്‍ ദുരന്തം ഒഴിവായിഇന്ന് ഉച്ചയോടെയാണ് നിലമ്പൂരില്‍ സംഭവം നടന്നത്.
യാത്രയ്ക്കിടെ ബൈക്കിന്റെ എഞ്ചിന്‍ ഭാഗത്തു നിന്നാണ് ആദ്യം പുകയും തുടര്‍ന്ന് തീയും ഉയര്‍ന്നത്. പുക ഉയരുന്നത് ശ്രദ്ധയില്‍പ്പെട്ട യാത്രക്കാരന്‍ ഉടന്‍ വാഹനം റോഡരികിലേക്ക് മാറ്റി നിര്‍ത്തുകയായിരുന്നു. തുടര്‍ന്ന് ബൈക്കില്‍ നിന്ന് സുരക്ഷിതമായി പുറത്തിറങ്ങി മാറി നിന്നു.യാത്രക്കാരന്‍ ഇറങ്ങിയതിന് പിന്നാലെ തീ കൂടുതല്‍ ശക്തമായി പടര്‍ന്നു.
നിമിഷങ്ങള്‍ക്കകം ബൈക്കിന്റെ മുന്‍ഭാഗത്തേക്കും മറ്റ് ഭാഗങ്ങളിലേക്കും തീ വ്യാപിച്ചതോടെ വാഹനം പൂര്‍ണമായും കത്തിനശിച്ചു. തീപിടിത്തത്തില്‍ ബൈക്കിന് വലിയ നാശനഷ്ടമുണ്ടായി. തീപിടിത്തത്തിന്റെ കാരണം വ്യക്തമായിട്ടില്ല.
വാഹനത്തിലെ സാങ്കേതിക തകരാറാണോ മറ്റ് കാരണങ്ങളാണോ തീപിടിത്തത്തിന് കാരണമെന്ന് പരിശോധിച്ചു വരികയാണ്. യാത്രയ്ക്കിടെ വാഹനത്തില്‍ നിന്ന് അസാധാരണമായ പുകയോ ചൂടോ ശ്രദ്ധയില്‍പ്പെട്ടാല്‍ ഉടന്‍ വാഹനം നിര്‍ത്തി സുരക്ഷിതമായ അകലത്തിലേക്ക് മാറണമെന്ന മുന്നറിയിപ്പും സംഭവത്തിന് പിന്നാലെ ഉയര്‍ന്നിട്ടുണ്ട്.