പി.എസ്.സിയില്‍ മെഗാ വിജ്ഞാപനം. പൊതുമരാമത്ത് വകുപ്പില്‍ അസിസ്റ്റന്റ് എൻജിനിയർ, ഹയർ സെക്കൻഡറി സ്‌കൂള്‍ ടീച്ചർ (വിവിധ വിഷയങ്ങള്‍), അസിസ്റ്റന്റ് പബ്ലിക് പ്രോസിക്യൂട്ടർ ഗ്രേഡ് 2, കമ്ബനി/ബോർഡ്/കോർപ്പറേഷനുകളില്‍ ടൈപ്പിസ്റ്റ് ഗ്രേഡ് 2 ഉള്‍പ്പെടെ 171 തസ്തികകളിലേക്ക് വിജ്ഞാപനം പ്രസിദ്ധീകരിക്കാൻ ഇന്നലെ ചേർന്ന പി.എസ് .സി യോഗം തീരുമാനിച്ചു.വിജ്ഞാപന വിവരങ്ങള്‍ ജനുവരി 1 ലക്കം പി.എസ്.സി. ബുള്ളറ്റിനില്‍ ലഭിക്കും.

അഭിമുഖം നടത്തും

തിരുവനന്തപുരം ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ ടീച്ചർ (ഹിന്ദി) (തസ്തികമാറ്റം മുഖേന) (കാറ്റഗറി നമ്ബർ 286/2025) തസ്തികയിലേക്ക് അഭിമുഖം നടത്തും.

ചുരുക്കപട്ടിക പ്രസിദ്ധീകരിക്കും

പ്രിസണ്‍സ് ആൻഡ് കറക്ഷണല്‍ സർവീസസില്‍ വെല്‍ഫയർ ഓഫീസർ ഗ്രേഡ് 2 (കാറ്റഗറി നമ്ബർ 374/2024), മെഡിക്കല്‍ വിദ്യാഭ്യാസ വകുപ്പില്‍ മെഡിക്കല്‍ റെക്കോർഡ് ലൈബ്രേറിയൻ ഗ്രേഡ് 2 (കാറ്റഗറി നമ്ബർ 731/2024, 490/2024-എല്‍.സി./എ.ഐ.), തിരുവനന്തപുരം ജില്ലയില്‍ എൻ.സി.സി. വകുപ്പില്‍ എയ്‌റോ മോഡലിങ് ഹെല്‍പ്പർ (വിമുക്തഭട•ാർ മാത്രം) (കാറ്റഗറി നമ്ബർ 526/2024),

വിവിധ ജില്ലകളില്‍ മൃഗസംരക്ഷണ വകുപ്പില്‍ ലബോറട്ടറി ടെക്നീഷ്യൻ ഗ്രേഡ് 2/ലബോറട്ടറി അസിസ്റ്റന്റ് ഗ്രേഡ് 2 (കാറ്റഗറി നമ്ബർ 614/2024), കേരള സ്റ്റേറ്റ് ഫെഡറേഷൻ ഓഫ് ഷെഡ്യൂള്‍ഡ് കാസ്റ്റ് ആൻഡ് ഷെഡ്യൂള്‍ഡ് ട്രൈബ് ഡെവലപ്‌മെന്റ് കോ-ഓപ്പറേറ്റീവ്സ് ലിമിറ്റഡില്‍ വാച്ച്‌മാൻ (പാർട്ട് 1-ജനറല്‍ കാറ്റഗറി) (കാറ്റഗറി നമ്ബർ 021/2025), കേരള സ്റ്റേറ്റ് കോ-ഓപ്പറേറ്റീവ് ഹൗസിങ് ഫെഡറേഷൻ ലിമിറ്റഡില്‍ (ഹൗസ്‌ഫെഡ്) പ്യൂണ്‍ (പാർട്ട് 2 - സൊസൈറ്റി കാറ്റഗറി)

(കാറ്റഗറി നമ്ബർ 023/2025), കേരളത്തിലെ സഹകരണമേഖലയിലെ അപ്പെക്സ് സൊസൈറ്റികളില്‍ പ്യൂണ്‍/അറ്റൻഡർ (പാർട്ട് 1 - ജനറല്‍ കാറ്റഗറി) (കാറ്റഗറി നമ്ബർ 133/2025) എന്നീ തസ്തികകളിലേക്ക് ചുരുക്കപട്ടിക പ്രസിദ്ധീകരിക്കും.