അര്ജുന് ആയങ്കി കരുതല് തടങ്കലില്
അര്ജുന് ആയങ്കി എന്തിനാണ് കോതമംഗലം സ്റ്റേഷന് പരിധിയില് എത്തിയതെന്ന് അന്വേഷിക്കുമെന്ന് പൊലീസ് അറിയിച്ചു.
May 3, 2026, 11:46 IST
കസ്റ്റഡിയിലുള്ളവരില് മരട് അനീഷിന്റെ കൂട്ടാളികളുമുണ്ട്.
നിരവധി കേസുകളില് പ്രതിയായ അര്ജുന് ആയങ്കി കരുതല് തടങ്കലില്. സുഹൃത്തിന്റെ വിവാഹത്തില് പങ്കെടുക്കാന് എത്തിയപ്പോഴാണ് അര്ജുന് ആയങ്കിയെ കരുതല് തടങ്കിലെടുത്തത്. പുന്നേക്കാടുള്ള റിസോര്ട്ടില് വെച്ച് കോതമംഗലം പൊലീസാണ് അര്ജുന് ആയങ്കിയെയും സുഹൃത്തുക്കള് അടക്കമുള്ളവരെയും പൊലീസ് കസ്റ്റഡിയിലെടുത്തത്. കസ്റ്റഡിയിലുള്ളവരില് മരട് അനീഷിന്റെ കൂട്ടാളികളുമുണ്ട്. അര്ജുന് ആയങ്കി എന്തിനാണ് കോതമംഗലം സ്റ്റേഷന് പരിധിയില് എത്തിയതെന്ന് അന്വേഷിക്കുമെന്ന് പൊലീസ് അറിയിച്ചു.
നേരത്തെ ഡിവൈഎഫ്ഐ അഴിക്കോട് കപ്പക്കടവ് യൂണിറ്റ് സെക്രട്ടറി ആയിരുന്നു അര്ജുന് ആയങ്കി.ലഹരിക്കടത്ത് സംഘങ്ങളുമായി അടുത്തതോടെ ഡിവൈഎഫ്ഐ ഇയാളെ പുറത്താക്കുകയായിരുന്നു.