കേരള സർക്കാരിന് കീഴിലുള്ള ​ഡ്ര​ഗ്സ് കൺ​ട്രോൾസ് വകുപ്പിലെ വിവിധ തസ്കിതകളിലേക്ക് നിയമനം നടക്കുന്നു . കരാർ അടിസ്ഥാനത്തിലാണ് ഉദ്യോ​ഗാർത്ഥികളെ നിയമിക്കുന്നതെന്ന് സെന്റർ ഫോർ മാനേജ്മെന്റ് പുറത്തുവിട്ട പ്രസ്താവനയിൽ പറയുന്നു. ആകെ 40 ഒഴിവുകളാണുള്ളത്. അസിസ്റ്റന്റ് ഡ്ര​ഗ്സ് ഇൻസ്പെക്ടർ തസ്തികയിൽ 30 ഒഴിവുകളും, ഡാറ്റ എൻട്രി ഓപ്പറേറ്റർ തസ്തികയിൽ 10 ഒഴിവുകളുമാണുള്ളത്. വിവിധ ജില്ലകളിലാണ് അവസരമുള്ളത്.

അസിസ്റ്റന്റ് ഡ്ര​ഗ് ഇൻസ്പെക്ടർക്ക് ബി ഫാം ആണ് യോ​ഗ്യത. ബന്ധപ്പെട്ട മേഖലയിലെ ഉയർന്ന യോ​ഗ്യത അഭികാമ്യം. ഏതെങ്കിലും വിഷയത്തിൽ ബിരുദമാണ് ഡാറ്റ എൻട്രി ഓഫീസർക്ക് ആവശ്യപ്പെടുന്ന യോ​ഗ്യത. ഒരു വർഷത്തെ പ്രവൃത്തി പരിചയം അഭികാമ്യമാണ്. അസിസ്റ്റന്റ് ​ഡ്ര​ഗ് ഇൻസ്പെക്ടർക്ക് പ്രായം 30 വയസിൽ കവിയരുത്. ഡാറ്റ എൻട്രി ഓഫീസർക്ക് പ്രായം 40 വയസിൽ കവിയരുത്.

അപേക്ഷകളുടെ സ്ക്രീനിങ്, എഴുത്ത് പരീ​ക്ഷ, ​ഗ്രൂപ്പ് ഡിസ്കഷൻ, എന്നിവയിൽ ഒന്നോ അതിൽ അധികമോ രീതികൾ ഉപയോ​ഗിച്ച് ആയിരിക്കും തിരഞ്ഞെടുക്കുന്നത്. ഷോർട്ട് ലിസ്റ്റ് ചെയ്യപ്പെടുന്നവർക്ക് ഇമെയിൽ മുഖേനയോ എംഎസ്.എസ് മുഖേനയോ അറിയിപ്പ് നൽകുമെന്നും വിജ്ഞാപനത്തിൽ പറയുന്നു.