കോഴിക്കോട്: .നാട്ടിലിറങ്ങി കാർ ഷെഡ്ഡ് തകർക്കുന്നതിനിടെ വയറ്റില്‍ കമ്പിക്കുത്തിത്തുളച്ച്‌ കയറി കാട്ടാന ചരിഞ്ഞു.പെരുവണ്ണാമുഴി മുതുകാട് മേഖലയില്‍ ബുധനാഴ്ച രാവിലെയാണ് സംഭവം.

ബുധനാഴ്ച പുലർച്ചെയാണ് കാട്ടാനക്കൂട്ടം നാട്ടിലിറങ്ങിയത്. തുടർന്ന് വനപാലകരും നാട്ടുകാരും അടങ്ങുന്ന അഞ്ചംഗസംഘം കാട്ടാനക്കൂട്ടത്തെ തുരത്തിയോടിച്ചു. ഇതിനിടെ കൂട്ടത്തില്‍നിന്ന് ഒരാന മാത്രം വനപാലകർക്കും നാട്ടുകാർക്കും നേരേ തിരിഞ്ഞു.

ഇതോടെ അഞ്ചുപേരും ഓടിരക്ഷപ്പെട്ടു. തുടർന്നാണ് ഈ കാട്ടാന സമീപത്തെ കാർ ഷെഡ്ഡ് തകർത്തത്. ഷെഡ്ഡ് തകർക്കുന്നതിനിടെയാണ് ഷെഡ്ഡ് നിർമിക്കാൻ ഉപയോഗിച്ചിരുന്ന ഇരുമ്പ് കമ്പി കാട്ടാനയുടെ വയറ്റില്‍ കുത്തിത്തുളച്ച്‌ കയറിയത്. ഗുരുതരമായി പരിക്കേറ്റ കാട്ടാന അല്പദൂരം കൂടി ഓടിയശേഷം ചരിയുകയായിരുന്നു.