ട്രെയിനില് തനിച്ചിരുന്ന പത്ത് വയസുകാരിയോട് ലൈംഗികാതിക്രമം; പ്രതി പിടിയില്
ട്രെയിനില് തനിച്ചിരുന്ന പത്ത് വയസുകാരിയോട് ലൈംഗികാതിക്രമം നടത്തിയ യുവാവ് പിടിയിൽ. ഓഖ-എറണാകുളം എക്സ്പ്രസില് കുടുംബത്തോടൊപ്പം യാത്രചെയ്യുകയായിരുന്ന പത്തുവയസ്സുകാരിക്കാണ് ദുരനുഭവം ഉണ്ടായത്.ഉത്തര്പ്രദേശ് കാണ്പൂര് സ്വദേശി നന്ഹക്കു ബങ്കേലാലി(30)നെയാണ് കോഴിക്കോട് റെയില്വേ പോലീസ് അറസ്റ്റ് ചെയ്തത്.
കണ്ണൂര് സ്റ്റേഷനില് എത്തിയപ്പോള് കുട്ടിയുടെ അമ്മ വെള്ളം വാങ്ങാനായി പ്ലാറ്റ്ഫോമില് ഇറങ്ങി. ഈ സമയത്ത് കുട്ടിയുടെ അടുത്ത് വന്നിരുന്ന പ്രതി മോശമായി പെരുമാറുകയായിരുന്നു
കോഴിക്കോട്: ട്രെയിനില് തനിച്ചിരുന്ന പത്ത് വയസുകാരിയോട് ലൈംഗികാതിക്രമം നടത്തിയ യുവാവ് പിടിയിൽ. ഓഖ-എറണാകുളം എക്സ്പ്രസില് കുടുംബത്തോടൊപ്പം യാത്രചെയ്യുകയായിരുന്ന പത്തുവയസ്സുകാരിക്കാണ് ദുരനുഭവം ഉണ്ടായത്.ഉത്തര്പ്രദേശ് കാണ്പൂര് സ്വദേശി നന്ഹക്കു ബങ്കേലാലി(30)നെയാണ് കോഴിക്കോട് റെയില്വേ പോലീസ് അറസ്റ്റ് ചെയ്തത്.
ഇയാള് ട്രെയിനിലെ ബെഡ് റോള് ജീവനക്കാരനാണ്. പോക്സോ വകുപ്പ് ചുമത്തിയാണ് ഇയാളെ അറസ്റ്റ് ചെയ്തത്.ട്രെയിന് കണ്ണൂര് സ്റ്റേഷനില് എത്തിയപ്പോള് കുട്ടിയുടെ അമ്മ വെള്ളം വാങ്ങാനായി പ്ലാറ്റ്ഫോമില് ഇറങ്ങി. ഈ സമയത്ത് കുട്ടിയുടെ അടുത്ത് വന്നിരുന്ന പ്രതി മോശമായി പെരുമാറുകയായിരുന്നു. അമ്മ തിരിച്ചെത്തിയപ്പോള് കുട്ടി ഈ വിവരം പറഞ്ഞു. ഉടന് തന്നെ റെയില്വേ പോലീസില് പരാതി നല്കി.എറണാകുളത്ത് വെച്ചാണ് നന്ഹക്കുവിനെ പിടികൂടിയത്.
കോഴിക്കോട് റെയില്വേ പോലീസ് എസ്ഐ സി.പ്രദീപ് കുമാര്, എഎസ്ഐമാരായ ഷമീര്, സുനീഷ്, വനിതാ പോലീസ് ഉദ്യോഗസ്ഥരായ ജാനി, രന്യ എന്നിവരുടെ നേതൃത്വത്തിലാണ് ഇയാളെ അറസ്റ്റ് ചെയ്തത്. വൈദ്യ പരിശോധനയ്ക്ക് ശേഷം കോടതിയില് ഹാജരാക്കിയ പ്രതിയെ പതിനാല് ദിവസത്തേക്ക് റിമാൻ്റ് ചെയ്തു.