'ഭക്ഷണത്തില് മായം ചേര്ക്കുന്നത് ക്രിമിനല് കുറ്റം'; കര്ശന നടപടിയെന്ന് വീണാ ജോര്ജ്
ഭക്ഷ്യ സുരക്ഷാ വകുപ്പിന്റെ പ്രവര്ത്തനങ്ങള് മാസം തോറും കൃത്യമായി അവലോകനം ചെയ്യണം. ഇത് പൊതു സമൂഹത്തിന്റെ ആവശ്യം കൂടിയാണ്
Sep 23, 2022, 06:42 IST
ഭക്ഷണത്തില് മായം ചേര്ക്കുന്നവര്ക്കെതിരെ നടപടിയെടുക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഭക്ഷണത്തില് മായം ചേര്ക്കുന്നത് ക്രിമിനല് കുറ്റമാണെന്നും ഭക്ഷ്യ സുരക്ഷാ വകുപ്പ് ഉദ്യോഗസ്ഥര് ഉത്തരവാദിത്തത്തോടെ പ്രവര്ത്തിക്കണമെന്നും മന്ത്രി പറഞ്ഞു.
ഭക്ഷ്യ സുരക്ഷാ വകുപ്പ് സംഘടിപ്പിച്ച പരിശീലന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.ഭക്ഷ്യ സുരക്ഷാ വകുപ്പിന്റെ പ്രവര്ത്തനങ്ങള് മാസം തോറും കൃത്യമായി അവലോകനം ചെയ്യണം. ഇത് പൊതു സമൂഹത്തിന്റെ ആവശ്യം കൂടിയാണ്. നിയമത്തിനകത്തു നിന്നു കൊണ്ടു തന്നെ വളരെയേറെ പ്രവര്ത്തനങ്ങള് നടത്താന് സാധിക്കും. അതിനുള്ള ആര്ജവം ഉദ്യോഗസ്ഥര്ക്കുണ്ടാകണമെന്നും മന്ത്രി പറഞ്ഞു.