വാഹനാപകടത്തില് 9 വയസ്സുകാരി കോമയിലായ സംഭവം, 1.15 കോടി നഷ്ടപരിഹാരം നല്കണമെന്ന് കോടതി
വടകരയില് വാഹനാപകടത്തില് ഗുരുതര പരിക്കേറ്റ് കോമയില് കഴിയുന്ന ഒമ്ബത് വയസുകാരി ദൃഷാനയ്ക്കും കുടുംബത്തിനും നഷ്ടപരിഹാരം നല്കും. ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം.
ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം.
വടകര: വടകരയില് വാഹനാപകടത്തില് ഗുരുതര പരിക്കേറ്റ് കോമയില് കഴിയുന്ന ഒമ്ബത് വയസുകാരി ദൃഷാനയ്ക്കും കുടുംബത്തിനും നഷ്ടപരിഹാരം നല്കും. ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം.
വടകര എംഎസിടി കോടതിയാണ് കേസ് തീര്പ്പാക്കിയത്. ഇന്ഷുറന്സ് കമ്ബനിയാണ് തുക നല്കേണ്ടത്. ഹൈക്കോടതിയുടെയും ലീഗല് സര്വീസ് അതോറിറ്റിയുടെയും ഇടപെടലിലാണ് ദൃഷാനയുടെ കുടുംബത്തിന്റെ നിയമപോരാട്ടത്തില് നിര്ണായകമായത്.
2024 ഫെബ്രുവരി 14നാണ് അപകടമുണ്ടായത്. അപകടത്തില് കോമയിലായ ദൃഷാനയും മുത്തശ്ശി ബേബിയും വടകര ചേറോട് ദേശീയപാത മുറിച്ചുകടക്കുന്നതിനിടെയാണ് കാര് ഇടിച്ചുതെറിപ്പിച്ചത്. ഇടിയുടെ ആഘാതത്തില് ബേബി തല്ക്ഷണം മരിച്ചിരുന്നു.
കുട്ടി അന്ന് മുതല് കോമയിലേക്ക് വീഴുകയായിരുന്നു.അപകടത്തിനിടയാക്കിയ ഷജീല് വിദേശത്തേക്ക് കടന്നിരുന്നു. കാര് കണ്ടെടുത്തതോടെ ഇയാളെയും പ്രത്യേക അന്വേഷണ സംഘം പിടികൂടുകയായിരുന്നു.