ടിവികെ സര്ക്കാരിന്റേത് 'റീല് ഭരണം'; പവര്കട്ടില് വിജയ് സര്ക്കാരിന് സ്റ്റാലിന്റെ പരിഹാസം
ടിവികെ സര്ക്കാരിന്റേത് 'റീല് ഭരണം'; പവര്കട്ടില് വിജയ് സര്ക്കാരിന് സ്റ്റാലിന്റെ പരിഹാസം
'ടിവികെ സര്ക്കാരിലെ മന്ത്രിമാര് തന്നെ പവര്കട്ട് നേരിടേണ്ടി വരുമ്പോള്, സാധാരണ ജനങ്ങളുടെ കാര്യം വിശദീകരിക്കേണ്ട കാര്യമില്ലല്ലോ?
Sep 27, 2026, 12:06 IST
തമിഴ്നാട് പവര് ഡിസ്ട്രിബ്യൂഷന് കോര്പ്പറേഷന് ലിമിറ്റഡ് ആസ്ഥാനം മുഖ്യമന്ത്രി സന്ദര്ശിച്ചതിനെയും പരാമര്ശിച്ചായിരുന്നു സോഷ്യല് മീഡിയയിലൂടെ സ്റ്റാലിന്റെ പരിഹാസം.
നിരന്തരമായുള്ള പവര്കട്ടില് തമിഴ്നാട് സര്ക്കാരിനെതിരെ വിമര്ശനവുമായി മുന് മുഖ്യമന്ത്രി എം കെ സ്റ്റാലിന്. പൊതു പരിപാടികള്ക്കിടയില് സംസ്ഥാനത്തെ മന്ത്രിമാരെയും പവര്കട്ട് ബാധിക്കുകയാണെന്ന് സ്റ്റാലിന് പരിഹസിച്ചു. തമിഴ്നാട് പവര് ഡിസ്ട്രിബ്യൂഷന് കോര്പ്പറേഷന് ലിമിറ്റഡ് ആസ്ഥാനം മുഖ്യമന്ത്രി സന്ദര്ശിച്ചതിനെയും പരാമര്ശിച്ചായിരുന്നു സോഷ്യല് മീഡിയയിലൂടെ സ്റ്റാലിന്റെ പരിഹാസം.
'ടിവികെ സര്ക്കാരിലെ മന്ത്രിമാര് തന്നെ പവര്കട്ട് നേരിടേണ്ടി വരുമ്പോള്, സാധാരണ ജനങ്ങളുടെ കാര്യം വിശദീകരിക്കേണ്ട കാര്യമില്ലല്ലോ? തമിഴ്നാട് പവര് ഡിസ്ട്രിബ്യൂഷന് കോര്പ്പറേഷന് ലിമിറ്റഡ് സന്ദര്ശിച്ചപ്പോള് ഇതൊന്നും പരിശോധിച്ച് കാണില്ല, പകരം റീല് ചിത്രീകരിച്ച് കാണും' സ്റ്റാലിന് പറഞ്ഞു. ടിവികെ സര്ക്കാര് റീല് ഭരണമാണ് നടത്തുന്നതെന്നും സ്റ്റാലിന് വിമര്ശിച്ചു.