ഏകദിന ടീമിലേക്ക് സഞ്ജു ഇല്ല; ഇഷാൻ കിഷന് അവസരം, അഫ്ഗാന് പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു
അഫ്ഗാനിസ്ഥാനെതിരായ 3 മത്സരങ്ങളടങ്ങിയ ഏകദിന പരമ്പരയ്ക്കും ഓരേയൊരു ടെസ്റ്റ് പോരാട്ടത്തിനുമുള്ള ഇന്ത്യന് ടീമിനെ പ്രഖ്യാപിച്ചു. ഇടവേളയ്ക്കു ശേഷം മലയാളി വിക്കറ്റ് കീപ്പര് ബാറ്റര് സഞ്ജു സാംസണ് ഏകദിന ടീമിലേക്ക് തിരിച്ചെത്തുമെന്നു പ്രതീക്ഷിക്കപ്പെട്ടെങ്കിലും താരത്തെ തഴഞ്ഞ് ഇഷാന് കിഷനാണ് അവസരം നല്കിയത്.
May 19, 2026, 16:49 IST
ഗുവാഹത്തി: അഫ്ഗാനിസ്ഥാനെതിരായ 3 മത്സരങ്ങളടങ്ങിയ ഏകദിന പരമ്പരയ്ക്കും ഓരേയൊരു ടെസ്റ്റ് പോരാട്ടത്തിനുമുള്ള ഇന്ത്യന് ടീമിനെ പ്രഖ്യാപിച്ചു. ഇടവേളയ്ക്കു ശേഷം മലയാളി വിക്കറ്റ് കീപ്പര് ബാറ്റര് സഞ്ജു സാംസണ് ഏകദിന ടീമിലേക്ക് തിരിച്ചെത്തുമെന്നു പ്രതീക്ഷിക്കപ്പെട്ടെങ്കിലും താരത്തെ തഴഞ്ഞ് ഇഷാന് കിഷനാണ് അവസരം നല്കിയത്.
ഐപിഎല്ലില് തിളങ്ങിയ ഗുര്നൂര് ബ്രാര്, പ്രിന്സ് യാദവ്, ഹര്ഷ് ദുബെ എന്നിവരെ ആദ്യമായി ഇന്ത്യയുടെ ഏകദിന ടീമില് ഉള്പ്പെടുത്തി. ഗുര്നൂര്, ഹര്ഷ് എന്നിവര് ടെസ്റ്റ് ടീമിലും ഇടംപിടിച്ചു. ടെസ്റ്റില് ഋഷഭ് പന്തിന് പകരം കെഎല് രാഹുലാണ് വൈസ് ക്യാപ്റ്റന്. പന്ത് ടീമിലുണ്ട്. വെറ്ററന് ഓള് റൗണ്ടര് രവീന്ദ്ര ജഡേജയെ ടെസ്റ്റ്, ഏകദിന ടീമിലേക്ക് പരിഗണിച്ചില്ല.