മോര്ച്ചറിയിലെ മൃതദേഹങ്ങള്ക്കൊപ്പം റീല്സ് ചിത്രീകരിച്ചു; യുവാക്കള് അറസ്റ്റില്
ചെന്നൈയിലെ സ്റ്റാന്ലി സര്ക്കാര് ആശുപത്രിയില് മോര്ച്ചറിയില് കയറി മൃതദേഹങ്ങള്ക്കൊപ്പം റീല്സ് ചിത്രീകരിച്ച സംഭവത്തില് യുവാക്കള് അറസ്റ്റില്.
മോര്ച്ചറിയില് പ്രവേശിക്കാനായി ജീവനക്കാരന് 200 രൂപ കൈക്കൂലി കൊടുത്ത് അതിന്റെ താക്കോല് കൈവശപ്പെടുത്തുകായിരുന്നു.
ചെന്നൈ: ചെന്നൈയിലെ സ്റ്റാന്ലി സര്ക്കാര് ആശുപത്രിയില് മോര്ച്ചറിയില് കയറി മൃതദേഹങ്ങള്ക്കൊപ്പം റീല്സ് ചിത്രീകരിച്ച സംഭവത്തില് യുവാക്കള് അറസ്റ്റില്. വ്യാസാര്പടി സ്വദേശികളായ സതീഷ് കുമാര്, ദിനേഷ് കുമാര് ന്നിവരാണ് അറസ്റ്റിലായത് .ആശുപത്രിയില് അതിക്രമിച്ചു കയറിയാണ് യുവാക്കള് സാമൂഹിക മാധ്യമങ്ങളില് പങ്കുവയ്ക്കുന്നതിനായി റീല്സ് ചിത്രീകരിച്ചത്.
ഇവരുടെ സുഹൃത്തിന്റെ മരണവാര്ത്തയറിഞ്ഞാണ് ഇവര് ആശുപത്രിയിലെത്തിയതെന്ന് പൊലീസ് പറഞ്ഞു. മോര്ച്ചറിയില് പ്രവേശിക്കാനായി ജീവനക്കാരന് 200 രൂപ കൈക്കൂലി കൊടുത്ത് അതിന്റെ താക്കോല് കൈവശപ്പെടുത്തുകായിരുന്നു.
മോര്ച്ചറിയില് കയറി റീല്സ് ചിത്രീകരിക്കുന്നത് കണ്ട മറ്റ് ജീവനക്കാര് ഉടന് തന്നെ വിവരം മെഡിക്കല് ഓഫീസറെ അറിയിച്ചു. ഡോക്ടറുടെ പരാതിയുടെ അടിസ്ഥാനത്തില് സ്ഥലത്തെത്തിയ പൊലീസ് ഇരുവരെയും മോര്ച്ചറി ജീവനക്കാരനെയും അറസ്റ്റ് ചെയ്തു.