ഇന്ത്യൻ റെയിൽവേയുടെ വിവിധ സോണുകളിലായി 6565 ടെക്‌നീഷ്യൻ തസ്തികകളിലേക്ക് റെയിൽവേ റിക്രൂട്ട്‌മെന്റ് ബോർഡ് (RRB) അപേക്ഷ ക്ഷണിച്ചു. ടെക്‌നീഷ്യൻ ഗ്രേഡ് I (സിഗ്നൽ), ടെക്‌നീഷ്യൻ ഗ്രേഡ് III വിഭാഗങ്ങളിലാണ് നിയമനം നടക്കുന്നത്. താൽപ്പര്യമുള്ള ഉദ്യോഗാർത്ഥികൾക്ക് rrbapply.gov.in എന്ന വെബ്‌സൈറ്റ് വഴി ഓൺലൈനായി അപേക്ഷിക്കാം.

ഒഴിവുകളുടെ വിശദാംശങ്ങൾ

ആകെ ഒഴിവുകൾ: 6565

ടെക്‌നീഷ്യൻ ഗ്രേഡ് I (സിഗ്നൽ): 323 ഒഴിവുകൾ

ടെക്‌നീഷ്യൻ ഗ്രേഡ് III: 6242 ഒഴിവുകൾ
മുംബൈ, ചെന്നൈ, ന്യൂഡൽഹി തുടങ്ങിയ റെയിൽവേ സോണുകളിലാണ് കൂടുതൽ ഒഴിവുകളുള്ളത്.

യോഗ്യതയും പ്രായപരിധിയും

വിദ്യാഭ്യാസ യോഗ്യത: പത്താം ക്ലാസ് (SSLC) വിജയത്തിനൊപ്പം പ്രസക്തമായ ട്രേഡുകളിൽ ഐ.ടി.ഐ (NCVT/SCVT) സർട്ടിഫിക്കറ്റ് ഉണ്ടായിരിക്കണം. ഗ്രേഡ് I തസ്തികകളിലേക്ക് ബന്ധപ്പെട്ട എൻജിനീയറിങ് വിഭാഗങ്ങളിൽ ഡിപ്ലോമയോ ബിരുദമോ ഉള്ളവർക്കും അപേക്ഷിക്കാം.

പ്രായപരിധി: കുറഞ്ഞ പ്രായം 18 വയസ്സ്.

Also Read: യുപിഎസ്‌സി പരീക്ഷാ രീതിയിൽ വൻ മാറ്റം; ഉത്തരസൂചിക പരീക്ഷയ്ക്ക് തൊട്ടുപിന്നാലെ പ്രസിദ്ധീകരിക്കും

ഗ്രേഡ് I സിഗ്നൽ: പരമാവധി 33 വയസ്സ്.

ഗ്രേഡ് III: പരമാവധി 30 വയസ്സ്.
(സംവരണ വിഭാഗക്കാർക്ക് നിയമാനുസൃതമായ വയസ്സിളവ് ലഭിക്കും).

പ്രധാന തീയതികൾ

വിശദമായ വിജ്ഞാപനം: 2026 ജൂൺ 29.

അപേക്ഷ ആരംഭിക്കുന്നത്: 2026 ജൂൺ 30.

അവസാന തീയതി: 2026 ജൂലൈ 29.

അപേക്ഷിക്കേണ്ട വിധം

rrbapply.gov.in സന്ദർശിക്കുക.

രജിസ്‌ട്രേഷൻ പൂർത്തിയാക്കി വ്യക്തിഗത വിവരങ്ങൾ, വിദ്യാഭ്യാസ യോഗ്യത, തിരിച്ചറിയൽ രേഖകൾ എന്നിവ നൽകുക. നിർദ്ദിഷ്ട ഫോർമാറ്റിൽ രേഖകൾ അപ്‌ലോഡ് ചെയ്ത് അപേക്ഷാ ഫീസ് ഓൺലൈനായി അടയ്ക്കുക. വിവരങ്ങൾ കൃത്യമാണെന്ന് ഉറപ്പുവരുത്തി ഫോം സമർപ്പിക്കുക. വിശദമായ വിജ്ഞാപനം വന്ന ശേഷം പരീക്ഷാ രീതി, ഫീസ് തുടങ്ങിയ കാര്യങ്ങളിൽ കൂടുതൽ വ്യക്തത ലഭിക്കും.