ഹൈദരാബാദ്: ഡൽഹിയിൽ നിന്ന് ചെന്നൈയിലേക്ക് സർവീസ് നടത്തിയ ഇൻഡിഗോ വിമാനത്തിൽ പവർ ബാങ്ക് പൊട്ടിത്തെറിച്ച് തീപിടിത്തം. ല​ഗേജ് കംപാർട്ട്മെന്റിലാണ് തീപിടിത്തമുണ്ടായത്. വൻ സുരക്ഷാ ഭീഷണിയുയർത്തിയ സംഭവത്തെ തുടർന്ന് വിമാനം ഹൈദരാബാദിലേക്ക് തിരിച്ചുവിട്ടു. വിമാനം സുരക്ഷിതമായി തന്നെ ഇറക്കി.

വിമാനത്തിലെ ഓവർഹെഡ് ലഗേജ് കംപാർട്ട്മെന്റിൽ വെച്ചിരുന്ന പവർ ബാങ്കിന്റെ തകരാറിനെ തുടർന്നാണ് തീപിടിച്ചത്. പിന്നാലെ കാബിൻ ക്രൂ അംഗങ്ങൾ ഫയർ എസ്റ്റിം​ഗ്വിഷർ ഉപകരണങ്ങൾ കൊണ്ട് തീ പൂർണമായും അണച്ചു. വിമാനത്തിലുണ്ടായിരുന്ന എല്ലാ യാത്രക്കാരും ജീവനക്കാരും സുരക്ഷിതരാണെന്ന് അധികൃതർ അറിയിച്ചു.