പഹല്ഗാം സാഹചര്യം വിലയിരുത്താന് പ്രധാനമന്ത്രിയുടെ അധ്യക്ഷതയില് ഇന്ന് യോഗം
സൗദി സന്ദര്ശനം പ്രധാനമന്ത്രി വെട്ടിച്ചുരുക്കിയിരുന്നു.
ഭീകരാക്രമണത്തില് കൊല്ലപ്പെട്ടവര്ക്ക് ആദരാഞ്ജലി അര്പ്പിച്ചാണ് ഇന്ത്യ സൗദി ഉച്ചകോടി തുടങ്ങിയത്.
പഹല്ഗാം സാഹചര്യം വിലയിരുത്താന് പ്രധാനമന്ത്രിയുടെ അധ്യക്ഷതയില് ഇന്ന് യോഗം ചേരും. സുരക്ഷാ കാര്യങ്ങള്ക്കുള്ള മന്ത്രിസഭാ സമിതിയും ഇന്ന് യോഗം ചേരും. ഭീകരാക്രമണത്തില് കൊല്ലപ്പെട്ടവര്ക്ക് ആദരാഞ്ജലി അര്പ്പിച്ചാണ് ഇന്ത്യ സൗദി ഉച്ചകോടി തുടങ്ങിയത്. സൗദി കിരീടാവകാശി അനുശോചനം അറിയിച്ചു. സൗദി കിരീടാവകാശി എല്ലാ സഹായങ്ങളും വാഗ്ദാനം ചെയ്തു. സൗദി സന്ദര്ശനം പ്രധാനമന്ത്രി വെട്ടിച്ചുരുക്കിയിരുന്നു.
അതേസമയം, ജമ്മു കശ്മീരിലെ പഹല്ഗാം ഭീകരാക്രമണത്തില് കൊല്ലപ്പെട്ടവരുടെ എണ്ണം 28 ആയി. കേന്ദ്ര ആഭ്യന്തര മന്ത്രി അമിത് ഷാ രാത്രി തന്നെ ശ്രീനഗറിലെത്തി ഉന്നത ഉദ്യോഗസ്ഥരുമായി സാഹചര്യം ചര്ച്ച ചെയ്തു. മുഖ്യമന്ത്രി ഒമര് അബ്ദുള്ള ജമ്മു കാശ്മീര് ലെഫ്റ്റനന്റ് ഗവര്ണര് മനോജ് സിന്ഹ എന്നിവരും യോഗത്തില് പങ്കെടുത്തു. ഭീകരാക്രമണം നടന്ന സ്ഥലം അമിത് ഷാ ഇന്ന് സന്ദര്ശിക്കും. ആക്രമണത്തിന്റെ പശ്ചാത്തലത്തില് കേന്ദ്രസര്ക്കാര് സര്വകക്ഷി യോഗം വിളിക്കണമെന്ന് കോണ്ഗ്രസ് ആവശ്യപ്പെട്ടു. ഏഴ് ഭീകരരുടെ സംഘമാണ് ആക്രമണം നടത്തിയതെന്ന് സുരക്ഷാ സേന വ്യക്തമാക്കി.
ഭീകരാക്രമണത്തിന്റെ പശ്ചാത്തലത്തില് ടൂറിസം കേന്ദ്രങ്ങളില് നിരീക്ഷണം ശക്തമാക്കുമെന്ന് ദില്ലി പോലീസ് വ്യക്തമാക്കി