പ്രധാനമന്ത്രി ഇന്ന് കർണാടകയിൽ
ബെംഗളൂരു: പ്രധാനമന്ത്രി നരേന്ദ്ര മോദി രണ്ട് നാൾ സന്ദർശനത്തിനായി കർണാടകയിൽ ഇന്നെത്തും. ഉച്ചയോടെ കർണാടകയിലെത്തുന്ന മോദി വിവിധ സർക്കാർ പദ്ധതികൾ ഉൽഘാടനം ചെയ്യും. രാജ്യത്തെ ആദ്യത്തെ പൂർണമായി ശീതീകരിച്ച റെയിൽവേ സ്‌റ്റേഷനായ ബായിപ്പനഹള്ളി സ്‌റ്റേഷന്റെ ഉൽഘാടനം മോദി നിർവഹിക്കും.
കൊങ്കൺ റെയിൽവേയുടെ വൈദ്യുതിവൽക്കരണം നൂറ് ശതമാനം പൂർത്തിയാകുന്നതോട് അനുബന്ധിച്ചുള്ള ചടങ്ങിൽ പ്രധാനമന്ത്രി പങ്കെടുക്കും. ബെംഗളൂരുവിലെ പുതിയ ടെക്നോളജി ഹബുകൾക്ക് തുടക്കം കുറിക്കും. ബെംഗളൂരു സബർബൻ റെയിൽ പദ്ധതിക്കും തറക്കലിടും.
അംബേദ്ക്കർ യൂണിവേഴ്‌സിറ്റിയുടെ പുതിയ കോളേജും മോദി ഉൽഘാടനം ചെയ്യും. തുടർന്ന് അന്താരാഷ്‌ട്ര യോഗ ദിന ചടങ്ങിൽ പങ്കെടുക്കാൻ പ്രധാനമന്ത്രി മൈസൂരുവിലേക്ക് തിരിക്കും. അഗ്‌നിപഥ് പ്രതിഷേധങ്ങൾ കണക്കിലെടുത്ത് കനത്ത സുരക്ഷയാണ് പരിപാടികൾക്ക് എർപ്പെടുത്തിയിരിക്കുന്നത്.