ഇന്ത്യയില് നിന്നും വിദേശത്തേക്കുള്ള വിമാന യാത്രയ്ക്ക് ഫിസിക്കല് ബോര്ഡിങ് പാസ് ഒഴിവാക്കി; പുതിയ പ്രഖ്യാപനവുമായി കേന്ദ്രം
ഇന്ത്യയില് നിന്നും വിദേശത്തേക്ക് യാത്ര ചെയ്യുന്നവര്ക്ക് ഇനി ഫിസിക്കല് ബോര്ഡിങ് പാസ് ആവശ്യമില്ല. ഇമിഗ്രേഷന് കൗണ്ടറുകളില് ബോര്ഡിങ് പാസില് സീല് പതിപ്പിക്കുന്ന രീതിയും ഇതോടൊപ്പം അവസാനിപ്പിക്കും. യാത്രക്കാര്ക്ക് കൂടുതല് സൗകര്യപ്രദമായ രീതിയില് ഇമിഗ്രേഷന് നടപടികള് പൂര്ത്തിയാക്കുന്നതിന്റെ ഭാഗമായാണ് മാറ്റം. അന്താരാഷ്ട്ര വിമാനത്താവള ഓപ്പറേറ്റര്മാര്ക്കും സിഐഎസ്എഫിനും ഇതുസംബന്ധിച്ച നിര്ദേശം കൈമാറി.
ന്യൂഡല്ഹി: ഇന്ത്യയില് നിന്നും വിദേശത്തേക്ക് യാത്ര ചെയ്യുന്നവര്ക്ക് ഇനി ഫിസിക്കല് ബോര്ഡിങ് പാസ് ആവശ്യമില്ല. ഇമിഗ്രേഷന് കൗണ്ടറുകളില് ബോര്ഡിങ് പാസില് സീല് പതിപ്പിക്കുന്ന രീതിയും ഇതോടൊപ്പം അവസാനിപ്പിക്കും. യാത്രക്കാര്ക്ക് കൂടുതല് സൗകര്യപ്രദമായ രീതിയില് ഇമിഗ്രേഷന് നടപടികള് പൂര്ത്തിയാക്കുന്നതിന്റെ ഭാഗമായാണ് മാറ്റം. അന്താരാഷ്ട്ര വിമാനത്താവള ഓപ്പറേറ്റര്മാര്ക്കും സിഐഎസ്എഫിനും ഇതുസംബന്ധിച്ച നിര്ദേശം കൈമാറി.
നിലവില് യാത്രക്കാര് വിമാനത്താവളങ്ങളില് ഫിസിക്കല് ബോര്ഡിങ് പാസ് ഹാജരാക്കുകയും ഇമിഗ്രേഷന് ഉദ്യോഗസ്ഥര് അതില് സ്റ്റാമ്പ് പതിക്കുകയും ചെയ്യണം. എന്നാല് ഈ രീതി യാത്രക്കാര്ക്ക് ഏറെ ബുദ്ധിമുട്ടുകള് സൃഷ്ടിക്കുന്നുണ്ടെന്നും സ്റ്റാമ്പ് പതിക്കുന്നതിലെ അപാകതകള് കാരണം ബോര്ഡിങ് പാസുകള് റീഡ് ചെയ്യുന്നതില് പലപ്പോഴും തടസ്സങ്ങള് ഉണ്ടാകാറുണ്ടെന്നും ബ്യൂറോ ഓഫ് ഇമിഗ്രേഷന് വിലയിരുത്തി. ഈ പശ്ചാത്തലത്തിലാണ് നടപടിക്രമങ്ങള് കൂടുതല് ലളിതമാക്കിക്കൊണ്ടുള്ള പുതിയ തീരുമാനം.
പുതിയ ഉത്തരവ് പ്രകാരം യാത്രക്കാര്ക്ക് ഇമിഗ്രേഷന് കൗണ്ടറുകളില് ഫിസിക്കല് ബോര്ഡിങ് പാസുകള്ക്ക് പകരം ഇ-ബോര്ഡിങ് പാസുകള് ഉപയോഗിക്കാം. അതേസമയം യാത്രക്കാര് ഫിസിക്കല് ബോര്ഡിങ് പാസാണ് കയ്യില് കരുതുന്നതെങ്കില് അത് സ്വീകരിക്കുമെങ്കിലും അവയില് ഇനി മുതല് സ്റ്റാമ്പ് പതിക്കില്ലെന്ന് അധികൃതര് വ്യക്തമാക്കിയിട്ടുണ്ട്.