പഹല്ഗാം ആക്രമണത്തിലെ രണ്ട് ഭീകരരുടെ രേഖാ ചിത്രം കൂടി പുറത്ത് വിട്ടു ; അഞ്ചില് നാല് ഭീകരരെ തിരിച്ചറിഞ്ഞു
ആദില് തോക്കര്, അഹ്സാന് എന്നിവരാണ് കശ്മീരി ഭീകരര്.
Apr 25, 2025, 07:28 IST
രണ്ട് പേര് പാകിസ്ഥാനികളെന്നും അന്വേഷണ സംഘം സ്ഥിരീകരിച്ചു
\പഹല്ഗാം ആക്രമണത്തിലെ രണ്ട് ഭീകരരുടെ രേഖാ ചിത്രം കൂടി പുറത്ത് വിട്ടു. അഞ്ചില് നാല് ഭീകരരെ തിരിച്ചറിഞ്ഞു. രണ്ട് പേര് പാകിസ്ഥാനികളെന്നും അന്വേഷണ സംഘം സ്ഥിരീകരിച്ചു. അലി തല്ഹ, ആസിഫ് ഫൗജി എന്നിവരാണ് പാകിസ്ഥാനി ഭീകരര്. ആദില് തോക്കര്, അഹ്സാന് എന്നിവരാണ് കശ്മീരി ഭീകരര്. ഇതുവരെ ആരുടെയും അറസ്റ്റ് രേഖപ്പെടുത്തിയിട്ടില്ലെന്നും അന്വേഷണ സംഘം അറിയിച്ചു.
അതേസമയം, പഹല്ഗാം ഭീകരാക്രമണത്തെ കുറിച്ച് അന്വേഷിക്കാന് അനന്ത്നാഗ് അഡീഷണല് എസ്പിയുടെ നേതൃത്വത്തില് ജമ്മുകശ്മീര് പോലീസ് പ്രത്യേക സംഘത്തെ നിയോഗിച്ചു. എന്ഐഎ സംഘം ബൈസരണില് നിന്നും ഫൊറന്സിക് തെളിവുകള് അടക്കം ശേഖരിച്ച് പരിശോധനയ്ക്ക് അയച്ചു. കരസേനാ മേധാവി ഉപേന്ദ്ര ദ്വിവേദിയും ഇന്ന് ജമ്മുകശ്മീരിലെത്തുന്നുണ്ട്.