കുതിച്ചുയർന്ന് ഉള്ളിവില; കിലോയ്ക്ക് 42 രൂപ, കഴിഞ്ഞ മാസത്തെ അപേക്ഷിച്ച് 19 ശതമാനം വര്ധനവ്
രാജ്യത്ത് സവാള വിലയും കുതിച്ചുയരുന്നു. കിലോയ്ക്ക് 42 രൂപയായാണ് ഉയര്ന്നത്. കഴിഞ്ഞ മാസത്തെ അപേക്ഷിച്ച് 19 ശതമാനം വര്ധനവാണുണ്ടായിട്ടുള്ളത്. കഴിഞ്ഞ വര്ഷം ഇതേ സമയത്തെ അപേക്ഷിച്ച് 45 ശതമാനമാണ് വര്ധന. ഡല്ഹി, കേരളം, തമിഴ്നാട്, അസം തുടങ്ങിയ മേഖലകളിലെല്ലാം സവാള വില കുതിച്ചുയര്ന്നു. ഡല്ഹിയില് കിലോയ്ക്ക് 65 രൂപയും (കഴിഞ്ഞ വര്ഷം 35 രൂപ) ചെന്നൈയില് 58 രൂപയുമാണ് (കഴിഞ്ഞ വര്ഷം 33 രൂപ) നിലവിലുള്ള നിരക്ക്.
ന്യൂഡല്ഹി: രാജ്യത്ത് സവാള വിലയും കുതിച്ചുയരുന്നു. കിലോയ്ക്ക് 42 രൂപയായാണ് ഉയര്ന്നത്. കഴിഞ്ഞ മാസത്തെ അപേക്ഷിച്ച് 19 ശതമാനം വര്ധനവാണുണ്ടായിട്ടുള്ളത്. കഴിഞ്ഞ വര്ഷം ഇതേ സമയത്തെ അപേക്ഷിച്ച് 45 ശതമാനമാണ് വര്ധന. ഡല്ഹി, കേരളം, തമിഴ്നാട്, അസം തുടങ്ങിയ മേഖലകളിലെല്ലാം സവാള വില കുതിച്ചുയര്ന്നു. ഡല്ഹിയില് കിലോയ്ക്ക് 65 രൂപയും (കഴിഞ്ഞ വര്ഷം 35 രൂപ) ചെന്നൈയില് 58 രൂപയുമാണ് (കഴിഞ്ഞ വര്ഷം 33 രൂപ) നിലവിലുള്ള നിരക്ക്. ഡല്ഹിയില് കഴിഞ്ഞ മാസത്തേക്കാള് 20 രൂപയുടെ വര്ധനവാണ് ഉണ്ടായിരിക്കുന്നത്. സവാള വില കുതിച്ചുയരുന്നത് പരിഗണിച്ച്, വിലക്കയറ്റം നിയന്ത്രിക്കാന് നടപടിയുമായി കേന്ദ്രസര്ക്കാര് രംഗത്തെത്തി.
മഹാരാഷ്ട്രയിലെ നാസിക്കില് നിന്ന് ഡല്ഹി, ചെന്നൈ, കൊച്ചി, ഗുവാഹത്തി എന്നിവിടങ്ങളിലേക്ക് പ്രത്യേക ട്രെയിന് മാര്ഗം സവാള ഉള്ളി എത്തിക്കാനാണ് കേന്ദ്രത്തിന്റെ നീക്കം. സവാളയുമായി 'കാന്ദ എക്സ്പ്രസ്' ഇന്നു മുതല് ഈ സംസ്ഥാനങ്ങളിലേക്ക് ഓടിത്തുടങ്ങും. മഹാരാഷ്ട്രയിലെ ബഫര് സ്റ്റോക്കുകളില് നിന്ന് പ്രധാന ഉപഭോഗ കേന്ദ്രങ്ങളിലേക്ക് ഉള്ളി എത്തിക്കുകയാണ് സര്ക്കാര് ലക്ഷ്യമിടുന്നത്.