മോദി സര്ക്കാരിന്റെ ഭരണകാലം എണ്ണപ്പെട്ടു കഴിഞ്ഞു, ബിജെപിയ്ക്ക് വരും ദിവസം അധികാരം നഷ്ടമാകുമെന്ന് മമത
ന്യൂനപക്ഷങ്ങളെയും വഴിയോര കച്ചവടക്കാരെയും ലക്ഷ്യമിട്ട് ബി.ജെ.പി സര്ക്കാര് ആക്രമണങ്ങള് അഴിച്ചുവിടുകയാണെന്ന് മമത ആരോപിച്ചു.
തിരഞ്ഞെടുപ്പിന് ശേഷമുള്ള അക്രമങ്ങളെക്കുറിച്ചും അനധികൃത കൈയേറ്റം ഒഴിപ്പിക്കല് എന്ന പേരില് നടക്കുന്ന ബുള്ഡോസര് നടപടികളെക്കുറിച്ചും മമത ആശങ്ക രേഖപ്പെടുത്തി.
പശ്ചിമ ബംഗാളിലെ പുതുതായി അധികാരമേറ്റ ബി.ജെ.പി സര്ക്കാരിനെതിരെ രൂക്ഷമായ വിമര്ശനവുമായി തൃണമൂല് കോണ്ഗ്രസ് അധ്യക്ഷ മമത ബാനര്ജി രംഗത്തെത്തി. സംസ്ഥാനത്ത് ന്യൂനപക്ഷങ്ങളെയും വഴിയോര കച്ചവടക്കാരെയും ലക്ഷ്യമിട്ട് ബി.ജെ.പി സര്ക്കാര് ആക്രമണങ്ങള് അഴിച്ചുവിടുകയാണെന്ന് മമത ആരോപിച്ചു. കേന്ദ്രത്തിലെ മോദി സര്ക്കാരിന്റെ ഭരണകാലം എണ്ണപ്പെട്ടു കഴിഞ്ഞുവെന്നും വരും ദിവസങ്ങളില് ബി.ജെ.പിക്ക് അധികാരം നഷ്ടപ്പെടുമെന്നും മമത ബാനര്ജി പറഞ്ഞു.
തിരഞ്ഞെടുപ്പിന് ശേഷമുള്ള അക്രമങ്ങളെക്കുറിച്ചും അനധികൃത കൈയേറ്റം ഒഴിപ്പിക്കല് എന്ന പേരില് നടക്കുന്ന ബുള്ഡോസര് നടപടികളെക്കുറിച്ചും മമത ആശങ്ക രേഖപ്പെടുത്തി. ഭരണഘടനാപരമായ മൂല്യങ്ങളെ ഈ സര്ക്കാര് തകര്ക്കുകയാണെന്നും ബി.ജെ.പി മുഖ്യമന്ത്രി സുവേന്ദു അധികാരിയെ ലക്ഷ്യം വെച്ച് മമത പറഞ്ഞു. വഴിയോര കച്ചവടക്കാരെ ഒഴിപ്പിക്കുന്നതിനെതിരെ മെയ് 21-ന് കൊല്ക്കത്തയുടെ വിവിധ ഭാഗങ്ങളില് വന് പ്രതിഷേധ പരിപാടികള് സംഘടിപ്പിക്കാന് തൃണമൂല് കോണ്ഗ്രസ് തീരുമാനിച്ചിട്ടുണ്ട്.