പഹല്ഗാമില് കൊല്ലപ്പെട്ട കര്ണാടക സ്വദേശികളുടെ കുടുംബങ്ങള്ക്ക് ധനസഹായം പ്രഖ്യാപിച്ച് കര്ണാടക സര്ക്കാര്
ശിവമോഗ്ഗ വിജയനഗര് സ്വദേശി മഞ്ജുനാഥ റാവു, ബെംഗളൂരുവിലെ ബിസിനസുകാരന് ഭരത് ഭൂഷന് എന്നിവരാണ് കൊല്ലപ്പെട്ടത്.
Apr 23, 2025, 19:52 IST
. കൊല്ലപ്പെട്ട കര്ണാടക സ്വദേശികളുടെ കുടുംബങ്ങള്ക്ക് 10 ലക്ഷം രൂപയാണ് ധനസഹായം പ്രഖ്യാപിച്ചത്.
പഹല്ഗാം ഭീകരാക്രമണത്തില് കൊല്ലപ്പെട്ടവരുടെ കുടുംബങ്ങള്ക്ക് ധനസഹായം പ്രഖ്യാപിച്ച് കര്ണാടക സര്ക്കാര്. കൊല്ലപ്പെട്ട കര്ണാടക സ്വദേശികളുടെ കുടുംബങ്ങള്ക്ക് 10 ലക്ഷം രൂപയാണ് ധനസഹായം പ്രഖ്യാപിച്ചത്. കര്ണാടക സ്വദേശികളായ രണ്ട് പേരും ആന്ധ്ര സ്വദേശിയും ബെംഗളൂരുവില് സ്ഥിരതാമസക്കാരനുമായ ഒരാളുമാണ് കശ്മീരിലെ പഹല്ഗാമിലെ ഭീകരാക്രമണത്തില് കൊല്ലപ്പെട്ടത്.
ശിവമോഗ്ഗ വിജയനഗര് സ്വദേശി മഞ്ജുനാഥ റാവു, ബെംഗളൂരുവിലെ ബിസിനസുകാരന് ഭരത് ഭൂഷന് എന്നിവരാണ് കൊല്ലപ്പെട്ടത്. കുടുംബ സമേതം പഹല്ഗാമിലെത്തിയ ഇവരെ ഭീകരര് ഉറ്റവരുടെ മുന്നില് വെച്ച് നിര്ദാക്ഷിണ്യം വെടിവച്ച് കൊലപ്പെടുത്തുകയായിരുന്നു.