JEE അഡ്വാൻസ്ഡ് 2026: അപേക്ഷാ നടപടികൾ ഇന്ന് അവസാനിക്കും

ജെ.ഇ.ഇ അഡ്വാൻസ്ഡ് 2026-ലേക്കുള്ള അപേക്ഷാ നടപടികൾ മെയ് 2ന്  അവസാനിക്കും. ഇതുവരെ രജിസ്റ്റർ ചെയ്യാത്ത ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ jeeadv.ac.in വഴി രാത്രി 11:59 വരെ അപേക്ഷിക്കാവുന്നതാണ്. ആവശ്യമായ രേഖകൾ അപ്‌ലോഡ് ചെയ്തവർക്ക് അപേക്ഷാ ഫീസ് അടയ്ക്കാനുള്ള അവസാന തീയതി മെയ് 4 ആണ്.

ഏപ്രിൽ 23-നാണ് രജിസ്ട്രേഷൻ നടപടികൾ ആരംഭിച്ചത്. മെയ് 17-ന് നടക്കുന്ന പരീക്ഷ ഈ വർഷം സംഘടിപ്പിക്കുന്നത് ഐ.ഐ.ടി റൂർക്കി  ആണ്.

അപേക്ഷാ ഫീസ്

അപേക്ഷാ ഫീസ് താഴെ പറയുന്ന രീതിയിലാണ്:

    ജനറൽ വിഭാഗം: ₹3,200

    സ്ത്രീകൾ, SC, ST, PwD വിഭാഗങ്ങൾ: ₹1,600

അപേക്ഷിക്കേണ്ട വിധം

    ഔദ്യോഗിക വെബ്സൈറ്റായ jeeadv.ac.in സന്ദർശിക്കുക.

    'JEE Advanced 2026 registration' എന്ന ലിങ്കിൽ ക്ലിക്ക് ചെയ്യുക.

    ജെ.ഇ.ഇ മെയിൻ ക്രെഡൻഷ്യലുകൾ ഉപയോഗിച്ച് ലോഗിൻ ചെയ്യുക.

    ആവശ്യമായ വിവരങ്ങൾ പൂരിപ്പിക്കുക.

    അപേക്ഷാ ഫീസ് അടയ്ക്കുക.

    ഫോം സബ്മിറ്റ് ചെയ്ത ശേഷം കൺഫർമേഷൻ പേജ് ഡൗൺലോഡ് ചെയ്യുക.

    ഭാവി ആവശ്യങ്ങൾക്കായി ഇതിന്റെ പ്രിന്റൗട്ട് സൂക്ഷിക്കുക.

അപേക്ഷയുമായി ബന്ധപ്പെട്ട സംശയങ്ങൾക്കും പരാതികൾക്കുമായി ഐ.ഐ.ടി റൂർക്കി വെബ്സൈറ്റിൽ പ്രത്യേക ലിങ്ക് നൽകിയിട്ടുണ്ട്. ഇതിനുള്ള മറുപടികൾ പിന്നീട് അതേ പേജിൽ തന്നെ ലഭ്യമാകും.

യോഗ്യതാ മാനദണ്ഡങ്ങൾ

താഴെ പറയുന്ന അഞ്ച് നിബന്ധനകൾ പാലിക്കുന്ന ഇന്ത്യൻ പൗരന്മാർക്കും (OCI/PIO ഉൾപ്പെടെ) പരീക്ഷ എഴുതാവുന്നതാണ്:

    ജെ.ഇ.ഇ മെയിൻ റാങ്ക്: ജെ.ഇ.ഇ മെയിൻ 2026 ബി.ഇ/ബി.ടെക് പേപ്പറിൽ ആദ്യ 2,50,000 റാങ്കിനുള്ളിൽ (എല്ലാ വിഭാഗങ്ങളും ഉൾപ്പെടെ) വന്നവരായിരിക്കണം.

    പ്രായപരിധി: 2001 ഒക്ടോബർ 1-നോ അതിനു ശേഷമോ ജനിച്ചവരായിരിക്കണം (SC, ST, PwD വിഭാഗങ്ങൾക്ക് 5 വർഷത്തെ ഇളവുണ്ട്).

    ശ്രമങ്ങളുടെ എണ്ണം: തുടർച്ചയായ രണ്ട് വർഷങ്ങളിലായി പരമാവധി രണ്ട് തവണ മാത്രമേ ജെ.ഇ.ഇ അഡ്വാൻസ്ഡ് എഴുതാൻ സാധിക്കൂ.

    പ്ലസ് ടു പാസായ വർഷം: ആദ്യമായി പ്ലസ് ടു പരീക്ഷ എഴുതിയത് 2025-ലോ 2026-ലോ ആയിരിക്കണം.

    ഐ.ഐ.ടി പ്രവേശനം: മുമ്പ് ഒരു ഐ.ഐ.ടിയിലും പ്രവേശനം നേടിയവരാകരുത്.

അപ്‌ലോഡ് ചെയ്യേണ്ട രേഖകൾ

    വയസ്സ് തെളിയിക്കുന്ന രേഖ: പത്താം ക്ലാസ് സർട്ടിഫിക്കറ്റ് അല്ലെങ്കിൽ ജനന സർട്ടിഫിക്കറ്റ്.

    പ്ലസ് ടു സർട്ടിഫിക്കറ്റ്: 2025-ലോ 2026-ലോ പരീക്ഷ എഴുതിയവർ ഇത് സമർപ്പിക്കണം. (2026-ലെ മാർക്ക് ലിസ്റ്റ് ലഭ്യമാണെങ്കിൽ അത് അപ്‌ലോഡ് ചെയ്യണം).

    പേര് മാറ്റം: പത്താം ക്ലാസ് സർട്ടിഫിക്കറ്റിലെ പേരും ഇപ്പോഴത്തെ പേരും വ്യത്യസ്തമാണെങ്കിൽ ഗസറ്റ് വിജ്ഞാപനം നൽകണം.

    മറ്റ് രേഖകൾ: സംവരണ ആനുകൂല്യം ലഭിക്കുന്നവർ ജാതി സർട്ടിഫിക്കറ്റ് അപ്‌ലോഡ് ചെയ്യേണ്ടതാണ്.