40,000 കിലോലിറ്റര് അധിക മണ്ണെണ്ണ സംസ്ഥാനങ്ങള്ക്ക് നല്കാന് തീരുമാനം
ക്രൂഡ് ഓയില് വിതരണത്തില് പ്രശ്നങ്ങളൊന്നുമില്ലെന്നും രാജ്യത്തെ ഒരു ലക്ഷം പെട്രോള് പമ്പുകളിലും ഇന്ധന ക്ഷാമമുണ്ടാകില്ലെന്നും അവര് പറഞ്ഞു.
Mar 13, 2026, 07:15 IST
എല്പിജിയുടെ ക്ഷാമത്തെ തുടര്ന്നുള്ള പ്രതിസന്ധിയെ നേരിടാനാണ് ഈ നീക്കം.
പശ്ചിമേഷ്യന് സംഘര്ഷങ്ങളുടെ പശ്ചാത്തലത്തില് 40,000 കിലോലിറ്റര് അധിക മണ്ണെണ്ണ സംസ്ഥാനങ്ങള്ക്ക് നല്കാന് തീരുമാനിച്ചതായി കേന്ദ്ര സര്ക്കാര്. എല്പിജിയുടെ ക്ഷാമത്തെ തുടര്ന്നുള്ള പ്രതിസന്ധിയെ നേരിടാനാണ് ഈ നീക്കം.
സംസ്ഥാന സര്ക്കാരുകളുടെ ആവശ്യപ്രകാരം തിരഞ്ഞെടുത്ത ഉപഭോക്താക്കള്ക്ക് വാണിജ്യ സിലിണ്ടറുകള് നല്കാനും തീരുമാനിച്ചിട്ടുണ്ടെന്ന് പെട്രോളിയം മന്ത്രാലയം ജോയിന്റ് സെക്രട്ടറി സുജാത ശര്മ പറഞ്ഞു. അതേസമയം ക്രൂഡ് ഓയില് വിതരണത്തില് പ്രശ്നങ്ങളൊന്നുമില്ലെന്നും രാജ്യത്തെ ഒരു ലക്ഷം പെട്രോള് പമ്പുകളിലും ഇന്ധന ക്ഷാമമുണ്ടാകില്ലെന്നും അവര് പറഞ്ഞു.