നോയിഡ അന്താരാഷ്ട്ര വിമാനത്താവളത്തിൽ ആദ്യ വിമാനമിറങ്ങി

 നോയിഡ അന്താരാഷ്ട്ര വിമാനത്താവളത്തിൽ ആദ്യ വിമാനമിറങ്ങി. ലഖ്‌നൗവിൽ നിന്നുള്ള ഇൻഡിഗോ വിമാനമാണ് (6E 2278) തിങ്കളാഴ്ച രാവിലെ 7.58-ഓടെ ജെവാറിലെ പുതിയ വിമാനത്താവളത്തിൽ ആദ്യമായി ലാൻഡ് ചെയ്തത്. ലഖ്‌നൗവിലെ ചൗധരി ചരൺ സിംഗ് അന്താരാഷ്ട്ര വിമാനത്താവളത്തിൽ നിന്ന് രാവിലെ 7.12-ന് പറന്നുയർന്നതായിരുന്നു ഈ വിമാനം.

തുടർന്ന്, രാവിലെ 8.19-ഓടെ നോയിഡയിൽ നിന്ന് ലഖ്‌നൗവിലേക്ക് ആദ്യ വിമാനം പറന്നുയർന്നു. വിമാനത്താവളത്തിനായി ഭൂമി വിട്ടുനൽകിയ ജെവാർ മേഖലയിലെ നാട്ടുകാരാണ് ഈ വിമാനത്തിലെ പ്രധാന യാത്രക്കാർ. ജെവാർ എംഎൽഎ ധീരേന്ദ്ര സിംഗ്, യമുന എക്സ്പ്രസ് വേ ഇൻഡസ്ട്രിയൽ ഡെവലപ്‌മെന്റ് അതോറിറ്റി സിഇഒ രാകേഷ് സിംഗ്, അഡീഷണൽ സിഇഒ ശൈലേന്ദ്ര ഭാട്ടിയ തുടങ്ങിയവരും ആദ്യ യാത്രയിൽ പങ്കാളികളായി.

പടിഞ്ഞാറൻ ഉത്തർപ്രദേനോയിഡ അന്താരാഷ്ട്ര വിമാനത്താവളത്തിൽ ആദ്യ വിമാനമിറങ്ങി Indigoശിനെയും ദേശീയ തലസ്ഥാന മേഖലയെയും മറ്റ് ഭാഗങ്ങളുമായി ബന്ധിപ്പിക്കുന്ന നിർണ്ണായകമായ ഒരു ഗതാഗത ഹബ്ബായി നോയിഡ അന്താരാഷ്ട്ര വിമാനത്താവളത്തെ മാറ്റാനാണ് സർക്കാർ ലക്ഷ്യമിടുന്നത്. വ്യോമ, റോഡ് ഗതാഗത മാർഗ്ഗങ്ങളെ സമന്വയിപ്പിച്ചുകൊണ്ടുള്ള ഈ മൾട്ടിമോഡൽ ഗതാഗത കേന്ദ്രം ബിസിനസ് യാത്രക്കാർക്കും വിദ്യാർത്ഥികൾക്കും പ്രൊഫഷണലുകൾക്കും വലിയ ഗുണകരമാകുമെന്ന് അധികൃതർ അറിയിച്ചു.