പ്രധാനമന്ത്രിക്കെതിരെ സമൂഹമാധ്യമങ്ങളില് അധിക്ഷേപ പോസ്റ്റ്'; കേസെടുത്ത് ഡല്ഹി പൊലീസ്
പ്രധാനമന്ത്രി നരേന്ദ്ര മോദിക്കെതിരെ സമൂഹമാധ്യമങ്ങളില് അധിക്ഷേപകരമായ പോസ്റ്റുകള് പ്രചരിപ്പിച്ചെന്ന പരാതികളില് ഡല്ഹി പൊലീസ് കേസെടുത്തു. അധിക്ഷേപ ഉള്ളടക്കങ്ങള് പങ്കുവെച്ച അക്കൗണ്ട് ഉടമകളുടെ വിശദാംശങ്ങള് നല്കണമെന്ന് ആവശ്യപ്പെട്ട് സമൂഹമാധ്യമ പ്ലാറ്റ്ഫോമായ എക്സിന് ഉള്പ്പെടെ പൊലീസ് നോട്ടീസ് അയച്ചു. കോക്രോച്ച് ജനതാ പാര്ട്ടി ജന്തര് മന്തറില് നടത്തിയ പ്രതിഷേധങ്ങളുമായി ബന്ധപ്പെട്ട് ഉയര്ന്നുവന്ന ഉള്ളടക്കങ്ങളാണ് പൊലീസിന്റെ നിരീക്ഷണത്തിലുള്ളതില് ഭൂരിഭാഗവുമെന്നാണ് വിവരം.
ദില്ലി: പ്രധാനമന്ത്രി നരേന്ദ്ര മോദിക്കെതിരെ സമൂഹമാധ്യമങ്ങളില് അധിക്ഷേപകരമായ പോസ്റ്റുകള് പ്രചരിപ്പിച്ചെന്ന പരാതികളില് ഡല്ഹി പൊലീസ് കേസെടുത്തു. അധിക്ഷേപ ഉള്ളടക്കങ്ങള് പങ്കുവെച്ച അക്കൗണ്ട് ഉടമകളുടെ വിശദാംശങ്ങള് നല്കണമെന്ന് ആവശ്യപ്പെട്ട് സമൂഹമാധ്യമ പ്ലാറ്റ്ഫോമായ എക്സിന് ഉള്പ്പെടെ പൊലീസ് നോട്ടീസ് അയച്ചു. കോക്രോച്ച് ജനതാ പാര്ട്ടി ജന്തര് മന്തറില് നടത്തിയ പ്രതിഷേധങ്ങളുമായി ബന്ധപ്പെട്ട് ഉയര്ന്നുവന്ന ഉള്ളടക്കങ്ങളാണ് പൊലീസിന്റെ നിരീക്ഷണത്തിലുള്ളതില് ഭൂരിഭാഗവുമെന്നാണ് വിവരം.
ഡല്ഹി പൊലീസിന്റെ സ്പെഷല് സെല്ലിന് കീഴിലുള്ള ഇന്റലിജന്സ് ഫ്യൂഷന് ആന്ഡ് സ്ട്രാറ്റജിക് ഓപ്പറേഷന്സ് (ഐഎഫ്എസ്ഒ) യൂണിറ്റാണ് കേസ് രജിസ്റ്റര് ചെയ്തിരിക്കുന്നത്. ഭീഷണിപ്പെടുത്തല്, പൊതുജനമധ്യത്തില് അപകീര്ത്തിപ്പെടുത്തല് എന്നീ വകുപ്പുകള് ചുമത്തിയാണ് നടപടി. ജൂലൈ 20ന് നടന്ന ചലോ സംസദ് മാര്ച്ചിനിടെയും തുടര്ന്നുണ്ടായ പൊലീസ് നടപടികള്ക്ക് ശേഷവും പ്രധാനമന്ത്രിക്കെതിരെ അപകീര്ത്തികരമായ പരാമര്ശങ്ങള് നടത്തിയെന്നാണ് പരാതി. പരാതിക്കാര് ചൂണ്ടിക്കാണിച്ച പോസ്റ്റുകളും വിഡിയോകളും ഉടനടി നീക്കം ചെയ്യാനും അക്കൗണ്ട് ഉടമകളുടെ പൂര്ണ വിവരങ്ങള് കൈമാറാനും പൊലീസ് പ്ലോറ്റ്ഫോമുകളോട് നിര്ദ്ദേശിച്ചു.