മധ്യപ്രദേശിലെ ഇന്ഡോറില് മലിനജലം കുടിച്ച് മരിച്ചവരുടെ എണ്ണം 13ആയി
മധ്യപ്രദേശിലെ ഇന്ഡോറില് മലിനജലം കുടിച്ച് മരിച്ചവരുടെ എണ്ണത്തില് വര്ധന. മരണസംഖ്യ 13ആയി ഉയര്ന്നു.മരിച്ചവരില് അഞ്ച് മാസം പ്രായമുള്ള കുഞ്ഞും ഉള്പ്പെടുന്നു
സംഭവത്തില് രണ്ട് മുന്സിപ്പല് കോര്പ്പറേഷന് ഉദ്യോഗസ്ഥരെ സസ്പെന്ഡ് ചെയ്യുകയും ഒരാളെ സര്വീസില് നിന്ന് പിരിച്ചുവിടുകയും ചെയ്തു.
മധ്യപ്രദേശിലെ ഇന്ഡോറില് മലിനജലം കുടിച്ച് മരിച്ചവരുടെ എണ്ണത്തില് വര്ധന. മരണസംഖ്യ 13ആയി ഉയര്ന്നു.മരിച്ചവരില് അഞ്ച് മാസം പ്രായമുള്ള കുഞ്ഞും ഉള്പ്പെടുന്നു. ചികിത്സയില് ഉള്ളവരില് എട്ടുപേര് ഒരു വയസില് താഴെയുള്ള കുട്ടികളാണെന്നും റിപ്പോര്ട്ടുകള് സൂചിപ്പിക്കുന്നു. നിലവില് ആകെ 169 പേരാണ് ഗുരുതരാവസ്ഥയില് ചികിത്സയിലുള്ളത്.
1300ഓളം പേരെയാണ് രോഗം ബാധിച്ചത്.കുടിവെള്ള പൈപ്പ് ലൈനില് ഉണ്ടായ ചോർച്ച വഴി മലിനജലം കലരുകയായിരുന്നു. പൈപ്പ് ലൈനിന് മുകളില് അനധികൃതമായി നിർമ്മിച്ച ടോയ്ലറ്റില് നിന്നുള്ള മാലിന്യമാണ് കുടിവെള്ളത്തില് കലർന്നതെന്ന് പ്രാഥമിക അന്വേഷണത്തില് കണ്ടെത്തി.
സംഭവത്തില് രണ്ട് മുന്സിപ്പല് കോര്പ്പറേഷന് ഉദ്യോഗസ്ഥരെ സസ്പെന്ഡ് ചെയ്യുകയും ഒരാളെ സര്വീസില് നിന്ന് പിരിച്ചുവിടുകയും ചെയ്തു. ഉത്തരവാദികള്ക്കെതിരെ കര്ശന നടപടികള് സ്വീകരിക്കുമെന്ന് മധ്യപ്രദേശ് മുഖ്യമന്ത്രി മോഹന് യാദവ് വ്യക്തമാക്കി. അന്വേഷണത്തിനും ഉത്തരവിട്ടിട്ടുണ്ട്. അടിയന്തര സാഹചര്യമെന്ന് വിലയിരുത്തിയ യാദവ് സര്ക്കാര് സാഹചര്യം വിലയിരുത്തുന്നുണ്ടെന്നും ഇരയായവര്ക്ക് ആവശ്യമായ എല്ലാ സഹായവും നല്കുമെന്നും വ്യക്തമാക്കി.