തീരദേശ സുരക്ഷയ്ക്ക് പുതിയ പദ്ധതികൾ; കൊൽക്കത്തയിൽ 'സാഗർ സുരക്ഷ 2026' സമ്മേളനം ആരംഭിച്ചു

രാജ്യത്തിന്റെ തീരദേശ സുരക്ഷ കൂടുതൽ ശക്തിപ്പെടുത്തുന്നതിനായി ദേശീയതലത്തിലുള്ള സുരക്ഷാ സെമിനാറിന് കൊൽക്കത്തയിൽ തുടക്കമായി. 'സാഗർ സുരക്ഷ 2026' എന്ന പേരിലുള്ള ദ്വിദിന സമ്മേളനം നവംബർ 16, 17 തീയതികളിലാണ് നടക്കുന്നത്. ഇന്ത്യൻ കോസ്റ്റ് ഗാർഡും കേന്ദ്ര ആഭ്യന്തര മന്ത്രാലയത്തിലെ അതിർത്തി മാനേജ്മെന്റ് വകുപ്പും സംയുക്തമായാണ് പരിപാടി സംഘടിപ്പിക്കുന്നത്.

 

രാജ്യത്തിന്റെ തീരദേശ സുരക്ഷ കൂടുതൽ ശക്തിപ്പെടുത്തുന്നതിനായി ദേശീയതലത്തിലുള്ള സുരക്ഷാ സെമിനാറിന് കൊൽക്കത്തയിൽ തുടക്കമായി. 'സാഗർ സുരക്ഷ 2026' എന്ന പേരിലുള്ള ദ്വിദിന സമ്മേളനം നവംബർ 16, 17 തീയതികളിലാണ് നടക്കുന്നത്. ഇന്ത്യൻ കോസ്റ്റ് ഗാർഡും കേന്ദ്ര ആഭ്യന്തര മന്ത്രാലയത്തിലെ അതിർത്തി മാനേജ്മെന്റ് വകുപ്പും സംയുക്തമായാണ് പരിപാടി സംഘടിപ്പിക്കുന്നത്.

തീരദേശ മേഖലകളിലെ സുരക്ഷാ സംവിധാനങ്ങൾ മെച്ചപ്പെടുത്തുക, കടൽമാർഗമുള്ള നിയമവിരുദ്ധ പ്രവർത്തനങ്ങൾ തടയുക, വിവിധ സുരക്ഷാ ഏജൻസികൾ തമ്മിലുള്ള ഏകോപനം ശക്തിപ്പെടുത്തുക എന്നിവയാണ് സമ്മേളനത്തിന്റെ പ്രധാന ലക്ഷ്യങ്ങൾ. രാജ്യത്തിന്റെ വിശാലമായ കടൽത്തീരവും സമുദ്രാതിർത്തികളും സംരക്ഷിക്കുന്നതിൽ വിവിധ വകുപ്പുകൾക്കുള്ള ഉത്തരവാദിത്തവും ചർച്ചയാകും.

തീരദേശ സംസ്ഥാനങ്ങൾക്കും മത്സ്യബന്ധന മേഖലയ്ക്കും ഈ സുരക്ഷാ സംവിധാനങ്ങൾ ഏറെ പ്രാധാന്യമുള്ളതാണ്. ആധുനിക സാങ്കേതികവിദ്യയും നിരീക്ഷണ സംവിധാനങ്ങളും ഉപയോഗിച്ച് കടലിലെ സുരക്ഷ കൂടുതൽ കാര്യക്ഷമമാക്കുന്നതിനുള്ള ആശയങ്ങൾ സമ്മേളനത്തിൽ ഉയർന്നുവരുമെന്നാണ് പ്രതീക്ഷ