പാര്‍ലമെന്റിനോടുള്ള അനാദരവ്, ഇന്ത്യാ മുന്നണി നടത്തിയ പ്രതിഷേധങ്ങള്‍ക്കെതിരെ ബിജെപി എംപി സംബിത് പത്ര
തിരഞ്ഞെടുപ്പ് കമ്മീഷണര്‍ക്കെതിരായ പ്രതിപക്ഷത്തിന്റെ പൊതു ഇംപീച്ചുമെന്റ് പരിപാടിയെ 'മോക്ക് പാര്‍ലമെന്റ്' എന്ന് വിശേഷിപ്പിച്ച അദ്ദേഹം, ഈ നടപടി യഥാര്‍ത്ഥ പാര്‍ലമെന്റിനോടുള്ള അനാദരവാണെന്നും കുറ്റപ്പെടുത്തി.
വിവിധ സംസ്ഥാനങ്ങളിലെ അന്തിമ വോട്ടര്‍ പട്ടികയില്‍ ഏകദേശം 13 കോടിയോളം പേരുകള്‍ ഉള്‍പ്പെട്ടിട്ടില്ലെന്നും, ആ വോട്ടര്‍മാരെ എന്തുകൊണ്ട് ഒഴിവാക്കിയെന്നും അദ്ദേഹം ചോദിച്ചു.
മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെ ഇന്ത്യാ മുന്നണി നടത്തുന്ന പ്രതിഷേധങ്ങള്‍ക്കെതിരെയും കോണ്‍ഗ്രസിനെതിരെയും ബിജെപി എംപി സംബിത് പത്ര കടുത്ത വിമര്‍ശനവുമായി രംഗത്തെത്തി. തിരഞ്ഞെടുപ്പ് കമ്മീഷണര്‍ക്കെതിരായ പ്രതിപക്ഷത്തിന്റെ പൊതു ഇംപീച്ചുമെന്റ് പരിപാടിയെ 'മോക്ക് പാര്‍ലമെന്റ്' എന്ന് വിശേഷിപ്പിച്ച അദ്ദേഹം, ഈ നടപടി യഥാര്‍ത്ഥ പാര്‍ലമെന്റിനോടുള്ള അനാദരവാണെന്നും കുറ്റപ്പെടുത്തി.
തിരഞ്ഞെടുപ്പ് കമ്മീഷന്റെ പ്രത്യേക തീവ്ര വോട്ടര്‍ പട്ടിക പരിഷ്‌കരണവുമായി ബന്ധപ്പെട്ട് 'വോട്ടുകച്ചവടം' ഉണ്ടെന്ന പ്രതിപക്ഷത്തിന്റെ ആരോപണങ്ങള്‍ക്കും അദ്ദേഹം മറുപടി നല്‍കി. വിവിധ സംസ്ഥാനങ്ങളിലെ അന്തിമ വോട്ടര്‍ പട്ടികയില്‍ ഏകദേശം 13 കോടിയോളം പേരുകള്‍ ഉള്‍പ്പെട്ടിട്ടില്ലെന്നും, ആ വോട്ടര്‍മാരെ എന്തുകൊണ്ട് ഒഴിവാക്കിയെന്നും അദ്ദേഹം ചോദിച്ചു. പരിഷ്‌കരണ പ്രക്രിയയില്‍ ഉപയോഗിച്ച എ.എസ്.ഡി.ഡി വര്‍ഗ്ഗീകരണമാണ് തന്റെ വാദങ്ങള്‍ക്ക് ആധാരമായി അദ്ദേഹം എടുത്തുപറഞ്ഞത്. ഇത് വോട്ടര്‍മാരെ അഭാവമുള്ളവര്‍, താമസം മാറിയവര്‍, മരണപ്പെട്ടവര്‍, ഇരട്ടിപ്പുള്ളവര്‍ എന്നിങ്ങനെ തരംതിരിച്ചിരിക്കുന്നതിനെയാണ് സൂചിപ്പിക്കുന്നതെന്നും പത്ര വിശദീകരിച്ചു.