സോണിയ ഗാന്ധിയുടെ ഓര്‍മ്മക്കുറിപ്പ് ചര്‍ച്ചയാകുമ്പോള്‍ വരാനിരിക്കുന്ന തെരഞ്ഞെടുപ്പുകളിലും കോണ്‍ഗ്രസ് പരാജയപ്പെടുമെന്ന പ്രചാരണവുമായി ബിജെപി. ഗാന്ധി കുടുംബത്തെയും, നേതാക്കളെയും വെള്ളപൂശി രാഷ്ട്രീയ നേട്ടമുണ്ടാക്കാനുള്ള ശ്രമമാണ് പുസ്തകത്തിന് പിന്നിലെന്ന് ബിജെപി ആരോപിച്ചു. പുസ്തകത്തിനും വര്‍ഗീയതയുടെ നിറം ചേര്‍ക്കുന്ന വില കുറഞ്ഞ രാഷ്ട്രീയമാണ് ബിജെപിയുടേതെന്ന് കോണ്‍ഗ്രസ് തിരിച്ചടിച്ചു. 

പുസ്തകമിറക്കി, ഇനി തെരഞ്ഞെടുപ്പ് ജയിക്കണ്ടേയെന്ന് സോണിയ ഗാന്ധിയുടെയും മല്ലികാര്‍ജുന്‍ ഖര്‍ഗെയുടെയും കഥാപാത്രങ്ങള്‍ ചോദിക്കുമ്പോള്‍ അടുത്ത തവണയാകട്ടെ ഒന്ന് കറങ്ങാനാണ് മൂഡെന്ന് രാഹുല്‍ ഗാന്ധി പറയുന്ന കാര്‍ട്ടൂണാണ് സമൂഹമാധ്യമങ്ങളില്‍ ബിജെപി പ്രചരിപ്പിക്കുന്നത്.