ആന്ധ്രാപ്രദേശ് : ആന്ധ്രാപ്രദേശിലെ പ്രകാശം ജില്ലയിലെ അപ്പാര്‍ട്ട്‌മെൻ്റിലെ ലിഫ്റ്റ് അപകടത്തില്‍ പെട്ട് ഗുരുതരമായി പരിക്കേറ്റ സ്ത്രീ മരിച്ചു. വനിത (50) ആണ് മരിച്ചത്.

മകള്‍ക്കും കൊച്ചുമകനും ഒപ്പം ലിഫ്റ്റില്‍ നിന്ന് പുറത്തിറങ്ങുന്നതിനിടെ പെട്ടന്ന് ലിഫ്റ്റ് താഴോട്ട് പതിക്കുകയും വനിത ലിഫ്റ്റിനും കെട്ടിടത്തിനുമിടയില്‍ പെട്ട് പരിക്കേല്‍ക്കുകയുമായിരുന്നു.അമ്മയെ രക്ഷിക്കാനായി മകള്‍ ഉറക്കെ കരയുന്നതും പിന്നീട് കെട്ടിടത്തിലെ മറ്റുള്ളവര്‍ ഓടിയെത്തുന്നതും ദൃശ്യങ്ങളില്‍ കാണാം.

ലിഫ്റ്റ് തുറന്നപ്പോള്‍ ആദ്യം മകളും കൊച്ചു മകനും പുറത്തേക്കിറങ്ങി ഇതിനു പിന്നാലെ വനിത പുറത്തിറങ്ങാന്‍ ശ്രമിക്കുമ്പോഴായിരുന്നു അപകടം. ലിഫ്റ്റിന്റെ അറ്റകുറ്റപണികളും സുരക്ഷാപരിശോധനകളും കൃത്യമായി നടന്നിരുന്നോ എന്നതും പൊലീസ് അന്വേഷിക്കുന്നുണ്ട്.