'അമ്മേ-അച്ഛാ, ഞാന് നിങ്ങളെ സ്നേഹിക്കുന്നു'എന്ന് കുറിപ്പെഴുതി 23 കാരി ആത്മഹത്യ ചെയ്തു ; നീറ്റ് പുന:പരീക്ഷ സമ്മര്ദ്ദം മൂലം മരണം
പരീക്ഷ പാസാകാന് കഴിയില്ലെന്ന ഭയം 23-കാരിയെ അലട്ടിയിരുന്നുവെന്നാണ് വിവരം
Jun 17, 2026, 08:14 IST
മുറിയില് നിന്നും ആത്മഹത്യാക്കുറിപ്പും കണ്ടെത്തിയിട്ടുണ്ട്.
നീറ്റ് പുന:പരീക്ഷ നടക്കാന് ദിവസങ്ങള് മാത്രം ശേഷിക്കെ യുവതി ജീവനൊടുക്കി. ഉത്തരാഖണ്ഡിലെ ഡെറാഡൂണിലാണ് സംഭവം. പരീക്ഷ പാസാകാന് കഴിയില്ലെന്ന ഭയം 23-കാരിയെ അലട്ടിയിരുന്നുവെന്നാണ് വിവരം. പട്ടേല് നഗറിന് കീഴിലുള്ള ചന്ദ്രമണി കോളനിയിലെ വീട്ടില് സീലിംഗ് ഫാനില് തൂങ്ങിമരിച്ച നിലയിലാണ് ഇവരെ കണ്ടെത്തിയത്.
വിവരമറിഞ്ഞ് പൊലീസ് സ്ഥലത്തെത്തി മൃതദേഹം പോസ്റ്റ്മോര്ട്ടത്തിനായി അയച്ചു. മുറിയില് നിന്നും ആത്മഹത്യാക്കുറിപ്പും കണ്ടെത്തിയിട്ടുണ്ട്. 'അമ്മേ-അച്ഛാ, ഞാന് നിങ്ങളെ സ്നേഹിക്കുന്നു', എന്നാണ് കുറിപ്പിലുള്ളത്. യുവതി വളരെക്കാലമായി നീറ്റ് പരീക്ഷയ്ക്ക് തയ്യാറെടുക്കുകയായിരുന്നുവെന്ന് പൊലീസ് പറയുന്നു.
മുന് ശ്രമങ്ങളില് അവര് പരാജയപ്പെട്ടിരുന്നുവെന്നും അതിന്റെ സമ്മര്ദ്ദത്തിലും നിരാശയിലുമായിരുന്നുവെന്നും ഉദ്യോഗസ്ഥര് പറഞ്ഞു.