മഹാരാഷ്ട്രയിലെ സോലാപൂര്‍ ജില്ലയില്‍ തീര്‍ത്ഥാടകര്‍ സഞ്ചരിച്ച പിക്ക്അപ്പ് വാന്‍ വഴിയരികിലുള്ള കിണറിലേക്ക് മറിഞ്ഞ് എട്ടു പേര്‍ മരിച്ചു. നാലു സ്ത്രീകളും നാലു കുട്ടികളുമാണ് മരിച്ചതെന്നാണ് റിപ്പോര്‍ട്ട്. ഞായറാഴ്ച വൈകിട്ടാണ് സംഭവം. ഏഴു പേര്‍ ഇപ്പോള്‍ ചികിത്സയിലാണ്. രഞ്ജാനി ഗ്രാമത്തിലെ പാന്ദാര്‍പൂര്‍ പ്രദേശത്തുള്ളവരാണ് അപകടത്തില്‍പ്പെട്ടത്.

സോലാപൂരിലെ ടന്‍ഡുല്‍വാദി ഗ്രാമത്തിന് സമീപമാണ് അപകടം സംഭവിച്ചത്. പതിനഞ്ച് യാത്രക്കാരാണ് വാഹനത്തില്‍ ഉണ്ടായിരുന്നത്. വാഹനത്തിന്റെ നിയന്ത്രണം വിട്ടതാണ് അപകടകാരണമെന്നാണ് പ്രാഥമിക നിഗമനം.