പകലന്തിയോളം അധ്വാനിച്ചു രാത്രി കിടക്കുമ്പോൾ ഒരു നല്ല ഉറക്കം കിട്ടിയില്ലെങ്കിൽ അത് ശരീരത്തെ തളർത്തും. നമ്മുടെ ഉറക്കം കെടുക്കാൻ പോന്ന ആ 5 ഭക്ഷണങ്ങൾ ഏതാണെന്ന് അറിയാമോ?

തൈര് ആരോഗ്യത്തിന് വളരെ നല്ലതാണെങ്കിലും, പകൽ സമയത്ത് കഴിക്കുന്നതാണ് കൂടുതൽ പ്രയോജനകരം. തൈരിന് തണുപ്പ് നൽകാനുള്ള കഴിവുണ്ട്. അതിനാൽ രാത്രിയിൽ കഴിക്കുന്നത് ശരീരത്തിൽ കഫം കൂടാനും ജലദോഷം പോലുള്ള പ്രശ്നങ്ങൾക്കും കാരണമാകും. ദഹനപ്രക്രിയ പതുക്കെയാകുന്നതുകൊണ്ട് തൈര് ശരിയായി ദഹിക്കാതെയും വരാം. ഈ ലളിതമായ മാറ്റങ്ങൾ നിങ്ങളുടെ ഭക്ഷണക്രമത്തിൽ ഉൾപ്പെടുത്തുന്നതിലൂടെ, മികച്ച ദഹനവും നല്ല ഉറക്കവും നേടാനാകും.

മുളപ്പിച്ച പയർവർഗങ്ങളിൽ പ്രോട്ടീനും ഫൈബറും കൂടുതലാണ്. എന്നാൽ, ഇവ രാത്രിയിൽ പച്ചയ്ക്ക് കഴിച്ചാൽ ദഹിക്കാൻ കൂടുതൽ സമയമെടുക്കും. ഇത് ഗ്യാസ്, വയറുവീർപ്പ്, ദഹനക്കേട് തുടങ്ങിയ പ്രശ്നങ്ങൾക്ക് കാരണമായേക്കാം. പകൽ സമയത്ത് കഴിക്കുന്നതാണ് ഉചിതം.

കുക്കുമ്പറും ബീറ്റ്റൂട്ടും ശരീരത്തിന് തണുപ്പ് നൽകുന്നവയാണ്. വൈകുന്നേരമോ രാത്രിയിലോ ഇവ കഴിക്കുന്നത് ശരീര താപനില കുറയ്ക്കുകയും ദഹനത്തെ ദുർബലമാക്കുകയും ചെയ്യും.

പഴങ്ങൾ ആരോഗ്യത്തിന് നല്ലതാണെങ്കിലും, അത്താഴത്തിനൊപ്പമോ ഉറങ്ങുന്നതിന് മുൻപോ കഴിക്കുന്നത് അത്ര നല്ലതല്ല. പഴങ്ങളിലെ സ്വാഭാവിക മധുരം രാത്രിയിൽ ദഹിക്കാൻ പ്രയാസമാണ്. ഇത് ചിലരിൽ വയറുവേദനയ്ക്കും ഉറക്കം നഷ്ടപ്പെടാനും കാരണമാകും.

പോഷകങ്ങൾ ധാരാളമുണ്ടെങ്കിലും ചീര രാത്രിയിൽ കഴിക്കുന്നത് ഒഴിവാക്കണം. രാത്രിയിൽ നമ്മുടെ ദഹനപ്രക്രിയ പതിയെയാകും. ചീരയിലുള്ള ഫൈബറും അയണും ദഹിക്കാൻ പ്രയാസമാണ്. ഇത് വയറിന് ഭാരം കൂട്ടാനും ഉറക്കത്തിൽ അസ്വസ്ഥതയുണ്ടാക്കാനും കാരണമാകും.