നമുക്ക് ഉറക്കം ആവശ്യത്തിനും ശരീരത്തിന്റെ മുക്തചക്രത്തിനും വളരെ പ്രധാനമാണ്. എന്നാൽ ഉറക്കത്തിന്റെ തുടക്കത്തിൽ ചിലപ്പോഴൊക്കെ ഹൃദയമിടിപ്പും പേശികളുടെ ഞെരുക്കവും അനുഭവപ്പെടുന്നു, അത് നമ്മെ “താഴ്ചയിലേക്ക് വീഴുന്നതായി” തോന്നിക്കുന്ന വിധം ഉളവാക്കും.ഉറക്കത്തിനിടെ ഇല്ലാത്ത കാര്യങ്ങൾ ഉള്ളതായി കേൾക്കുകയും അനുഭവിക്കുകയും ചെയ്യുക, എന്നാൽ അനങ്ങാനോ പ്രതികരിക്കാനോ സാധിക്കാത്ത അവസ്ഥയാണ് സ്ലീപ് പാരലിസീസ്.

ഉറക്കത്തിനിടെ ഞെട്ടുന്ന അവസ്ഥയുമുണ്ട്. ഉറങ്ങി കിടക്കുന്നവർ ചിലപ്പോൾ അത് അറിയില്ലെങ്കിൽ പോലും. ഉറക്കത്തിൽ സംഭവിക്കുന്ന ഒരു വിചിത്രമായ പ്രക്രിയയാണ് ഹിപ്പ്നിക്ക് ജെർക്ക് (Hypnic Jerk).

അഗാധമായ ഉറക്കത്തിനിടെ പെട്ടെന്നുള്ള കുലുക്കം അല്ലെങ്കിൽ താഴേക്ക് വീഴുന്ന പോലെയുള്ള തോന്നൽ ഉണ്ടാകുമ്പോഴാണ് ഇത്തരത്തിൽ ഹിപ്പ്നിക്ക് ജെർക്ക് ഉണ്ടാകുന്നത്.

ചിലർക്ക് ആഴത്തിലുള്ള കുഴിയിലേക്ക് വീഴുന്നത് പോലെയോ അല്ലെങ്കിൽ ഉറക്കത്തിൽ നിന്ന് എഴുന്നേറ്റിട്ടും കിടക്കയിൽ നിന്ന് എഴുന്നേൽക്കാൻ സാധിക്കാത്തത് പോലെയും തോന്നാം. എന്നാൽ ഇത് വളരെ കുറച്ച് സെക്കന്റുകൾ മാത്രം നീണ്ടു നിൽക്കുന്ന അവസ്ഥയാണ്. ഇത് ചിലരിൽ ഭീതിജനകമായ അവസ്ഥ സൃഷ്ടിക്കാം.

ഇതിന് പിന്നിലെ കാരണം കണ്ടാത്താൻ ഇതുവരെ സാധിച്ചിട്ടില്ലെങ്കിലും കൃത്യമല്ലാത്ത ഉറക്കം, മാനസിക സമ്മർദ്ദം, ഉറക്ക തകരാറുകൾ, ഉത്കണ്ഠ തുടങ്ങിയ കാരണങ്ങളാകാമെന്നാണ് വിദ​ഗ്ധർ അഭിപ്രായപ്പെടുന്നത്.