അങ്ങനെ മാറ്റി നിർത്താവുന്ന ഒന്നാണോ ഓറഞ്ച് ജ്യൂസ് ?
പഴച്ചാറുകൾ ശരീരത്തിന് ഏറെ ഗുണം ചെയ്യുന്നവയാണ്. പ്രത്യേകിച്ചും ഓറഞ്ച് ജ്യൂസ് പോലുള്ളവ. ശരീരത്തിന് ഉന്മേഷം നല്കുമെങ്കിലും പഞ്ചസാരയുടെയും കലോറിയുടെയും അളവ് അധികമായതുകൊണ്ട് ഫിറ്റ്നസ് നോക്കുന്നവർ ഓറഞ്ച് ജ്യൂസിനെ അൽപ്പം അകറ്റി നിർത്തിയിരിക്കുകയായിരുന്നു. എന്നാൽ ഇപ്പോൾ പുതിയ പഠനങ്ങൾ പറയുന്നത് ഓറഞ്ച് ജ്യൂസ് ആള് ഹെൽത്തിയാണ് എന്നാണ്.
അങ്ങനെ മാറ്റി നിർത്താവുന്ന ഒന്നാണോ ഓറഞ്ച് ജ്യൂസ് ?
പഴച്ചാറുകൾ ശരീരത്തിന് ഏറെ ഗുണം ചെയ്യുന്നവയാണ്. പ്രത്യേകിച്ചും ഓറഞ്ച് ജ്യൂസ് പോലുള്ളവ. ശരീരത്തിന് ഉന്മേഷം നല്കുമെങ്കിലും പഞ്ചസാരയുടെയും കലോറിയുടെയും അളവ് അധികമായതുകൊണ്ട് ഫിറ്റ്നസ് നോക്കുന്നവർ ഓറഞ്ച് ജ്യൂസിനെ അൽപ്പം അകറ്റി നിർത്തിയിരിക്കുകയായിരുന്നു. എന്നാൽ ഇപ്പോൾ പുതിയ പഠനങ്ങൾ പറയുന്നത് ഓറഞ്ച് ജ്യൂസ് ആള് ഹെൽത്തിയാണ് എന്നാണ്.
പുതിയ ചില ഗവേഷണങ്ങള് അനുസരിച്ച് കൃത്യമായ അളവില് ഓറഞ്ച് ജ്യൂസ് കുടിക്കുന്നത് രക്തസമ്മര്ദ്ദം കുറയ്ക്കുന്നതു മുതല് ഹൃദയസംബന്ധമായ ആരോഗ്യം വര്ധിക്കാന് വരെ സഹായിക്കുമെന്നാണ് കണ്ടെത്തൽ. ഓറഞ്ച് ജ്യൂസ് ആരോഗ്യകരമായ ലിപിഡ് പ്രോട്ടീനുകളെ സംരക്ഷിക്കുകയും ഉപാപചയ ആരോഗ്യം മെച്ചപ്പെടുത്തുകയും ചെയ്യുന്നു. നല്ല HDL കൊളസ്ട്രോള് വര്ധിക്കുകയും മോശം LDL കൊളസ്ട്രാള് കുറയുകയും ഇന്സുലിന് പ്രവര്ത്തനങ്ങള് മെച്ചപ്പെടുത്തുകയും ചെയ്യുന്നു.
ഓറഞ്ച് ജ്യൂസിന്റെ പോഷകങ്ങള് വിറ്റാമിന് സി, പൊട്ടാസ്യം, ഫോളേറ്റ്, സിട്രസ് ഫ്ളേവനോയിഡുകള് ഇവയൊക്കെ ഹൃദയം, ഉപാപചയം, രോഗപ്രതിരോധശേഷി ഇവയെ ഒക്കെ സഹായിക്കുകയും ചെയ്യും.യര്ന്ന കൊളസ്ട്രോള് അല്ലെങ്കില് ട്രൈഗ്ലിസറൈഡുകള് ഉള്ള ആളുകളിൽ നടത്തിയ നിരീക്ഷണത്തിൽ ദിവസവും ഫ്രഷായി ഉണ്ടാക്കിയെടുത്ത ഓറഞ്ച് ജ്യൂസ് 90 ദിവസത്തേക്ക് കുടിക്കുകയും അവരില് ആന്റിഓക്സിഡന്റ് ശേഷി വര്ധിക്കുകയും ലിപിഡ് പെറോക്സിഡേഷന് കുറയുകയും ചെയ്യുന്നതായി കണ്ടെത്തിയിട്ടുണ്ട്.
ഓറഞ്ച് ജ്യൂസിലെ ആന്റി ഓക്സിഡന്റുകള് (വിറ്റാമിന് സി, ഫ്ളേവനോയിഡുകള്), ആന്റി ഇന്ഫ്ളമേറ്ററി സംയുക്തങ്ങള് എന്നിവ ഓക്സിഡേറ്റീവ് സമ്മര്ദ്ദം കുറയ്ക്കുന്നുവെന്നും പഠനങ്ങളിൽ പറയുന്നു.300ലധികം പേരെ ഉള്പ്പെടുത്തി നടത്തിയ പഠനത്തിലാണ് ഇക്കാര്യം കണ്ടെത്തിയിരിക്കുന്നത്. രക്ത സമ്മർദ്ദം കുറയ്ക്കാൻ ഓറഞ്ച് ജ്യൂസ് സഹായിക്കുമെന്ന് കണ്ടത്തിയത് 12 ആഴ്ച നീണ്ടുനിന്ന ഒരു റാന്ഡമൈസ്ഡ് ട്രയലില് നിന്നാണ്.
പ്രീ ഡയബറ്റിക്, സ്റ്റേജ് 1 ഹൈപ്പര് ടെന്ഷന് അഥവാ ഉയര്ന്ന രക്തസമ്മര്ദ്ദം ഉളള മുതിര്ന്നവരാണ് ഈ ട്രയലില് പങ്കെടുത്തത്. ദിവസവും 500 മില്ലി ഓറഞ്ച് ജ്യൂസ് ഇവർക്ക് നൽകിയിരുന്നു. അവരില് സിസ്റ്റോളിക് രക്തസമ്മര്ദ്ദം (SBP) പള്സ് സമ്മര്ദ്ദം(PP) എന്നിവയില് പോസിറ്റീവായ ഫലങ്ങളാണ് കണ്ടെത്തിയത്. തുടര്ച്ചയായ ഉപയോഗത്തിന് ശേഷം ഇവരുടെ ഡയസ്റ്റോളിക് രക്തസമ്മര്ദ്ദവും (DBP)കുറഞ്ഞു. ഓറഞ്ചിലെ പ്രകൃതിദത്ത സംയുക്തങ്ങളായ ഹെസ്പെരിഡിന് പോലുളള ഫ്ളേവനോയിഡുകള് രക്തക്കുഴലുകളുടെ പ്രവര്ത്തനം മെച്ചപ്പെടുത്തുകയും ധമനികളുടെ വീതികൂട്ടാന് സഹായിക്കുകയും ധമനികളുടെ കട്ടി കുറയ്ക്കുകയും ചെയ്യുമെന്നാണ് പഠനങ്ങൾ പറയുന്നത്.
ഇനി ഓറഞ്ച് ജ്യൂസ് നല്ലതാണെന്നു കരുതി അമിതമായ അളവിൽ എടുക്കുന്നത് അത്ര ഗുണം ചെയ്യില്ല. കുടിക്കുന്ന ആളുടെ ആരോഗ്യവും ജ്യൂസിന്റെ അളവും എത്ര ഇടവേളയിലാണ് കുടിക്കുന്നത് എന്നതും വളരെയധികം ശ്രദ്ധിക്കണം. മേൽപ്പറഞ്ഞ പഠനങ്ങളുടെ ഭാഗമായി നടത്തിയ പരീക്ഷണങ്ങളിൽ എല്ലാം തന്നെ 500 മില്ലി - അതായത് രണ്ടു കപ്പ് ജ്യൂസാണ് ആളുകൾക്ക് കഴിക്കാൻ നൽകിയിരുന്നത്. അതും പഞ്ചസാര ചേർക്കാതെയാണ് ജ്യൂസ് കഴിക്കേണ്ടത്.